Milli Məclisin buraxılacağı ilə bağlı proqnozlar özünü doğrultmasa da, qanunverici orqanın islahatlardan kənarda qalmayacağı artıq heç kimdə şübhə doğurmur. Parlamentin payız sessiyasında seçki qanunvericiliyinin dəyişdiriləcəyi ilə bağlı ciddi məlumatlar var.
Cia.az bildirir ki, yaxın gələcəkdə ölkədə proporsional seçki sisteminin tətbiq olunacağı gözlənilir. Bununla paralel olaraq, deputat yerlərinin sayı da 200-ə qaldırılacaq. Parlamentin növbəti tərkibinin daha rəngarəng olacağı gözlənilir. Bu dəfə qanunverici orqanda daha çox siyasi partiyanın və parlaq simanın təmsil olunacağı ehtimal edilir.
Aldığımız məlumata görə, islahatlar seriyası hakim Yeni Azərbaycan Partiyasının (YAP) namizədlər siyahısından başlayacaq. Hazırda parlamentdə YAP-ı təmsil edin deputatların yarısından çoxunun növbəti seçkilərdə mandatlarını itirəcəyi vurğulanır.
“Yeni Sabah”ın əldə etdiyi məlumata görə, deputat mandatı ilə vidalaşacaq YAP-çılardan biri də sabiq spiker Oqtay Əsədovdur. Sədr seçilmədiyi üçün 2020-ci ildən bəri parlamentdə fəaliyyətini boykot edən O.Əsədovun bu hərəkəti ilə hakimiyyəti qəzəbləndirdiyi bildirilir.
Qeyd edək ki, parlament seçkilərindən dərhal sonra O.Əsədovun hakimiyyət komandasından narazı qaldığına dair məlumatlar yayılıb. Buna səbəb kimi onun yenidən sədr seçilməməsi göstərilib. Bildirilir ki, növbəti dəfə spiker seçilməməsi O.Əsədovu çox məyus edib və o, Milli Məclisin iclaslarına qatılmamaqla bağlı qərar qəbul edib.
Maraqlıdır ki, bu məsələ dəfələrlə gündəmə gəlsə də, keçmiş spiker inadkarlıq göstərərək, qanunverici orqanın fəaliyyətini boykot edib. Parlamentin yeni rəhbərliyi bunu özünə qarşı hörmətsizlik kimi qiymətləndirsə də, qalmaqal yaranmaması üçün məsələni açıb-ağartmayıb.
Aldığımız məlumatlara görə, siyasi iqtidarın O.Əsədova güzəşt limiti bitib və sabiq spikerin qanunverici orqandan yola salınması ilə bağlı qərar verilib. Növbəti parlament seçkilərində YAP-ın siyahısında onun adının olmayacağı dəqiqləşib. Çünki Əsədov nəinki parlamentin, hətta üzvü olduğu YAP-ın toplantılarına qatılmaqdan da boyun qaçırır.
O.Əsədovun “vurulmasında” həm də ailə üzvlərinin Moskvadakı biznesinə dair məlumatların ictimailəşməsinin rol oynadığı bildirilir.
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.