banner
banner

Gündəm

Mərhum başçı 14 il əvvəl oğlunun obyektinə icazə vermişdi – Reyesterə indi daxil edilib

Mərhum başçı 14 il əvvəl oğlunun obyektinə icazə vermişdi – Reyesterə indi daxil edilib

Yevlax şəhəri, Q. Quliyev küçəsində yerləşən qeyri-yaşayış (mağaza) binasına bir həftə əvvəl – may ayının 1-də Tikintilərin Dövlət Reyestri tərəfindən 90101002-3-2501-008544/0525 nömrəli kod verilib.

Cia.az xəbər verir ki, reyestrə daxil edilən qeyri-yaşayış binasının tikintisinə 14 il əvvəl – 13 dekabr 2011-ci il tarixində Yevlax Şəhər İcra Hakimiyyətinin 248 nömrəli sənədi əsasında icazə verilib.

Məlumat üçün bildirək ki, “Tikintilərin Dövlət Reyestrinə daxil edilən məlumatların tərkibi, həmin məlumatların təqdim edilməsi və reyestrin aparılması Qaydaları”nın təsdiq edilməsi haqqında Nazirlər Kabinetinin 12 yanvar 2015-ci il tarixli 4 nömrəli Qərarının 4.2-ci maddəsində yazılır ki, tikintiyə icazə verən orqan (qurum) tikintiyə icazə verdiyi tarixdən 3 iş günü müddətində bu Qaydaların 3.1.1-ci yarımbəndində nəzərdə tutulmuş sənəd və məlumatları Reyestrə təqdim edir. Bu məlumatlar Reyestr kitabında qeydə alınır, 3 (üç) iş günü müddətində elektron bazaya daxil edilməklə, tikinti obyektinə kod verilir.

Lakin, qeyd olunan məlumatlardan da göründyü kimi, tikintisinə icazə verilən obyekt 14 ildən sonra reyesterə daxil edilib.

Onu da qeyd edək ki, qeyri-yaşayış binasının sifarişçisi Ruslan Qoca oğlu Səmədov, tikintiyə icazə verən Yevlax Şəhər İcra Hakimiyyətinin başçısı isə Qoca Səmədov olub.

Xatırladaq ki, Qoca Səmədov 2011-ci ilin fevral ayından 2019-cu ilin oktyabr ayına kimi Yevlax Şəhər İcra Hakimiyyətinin başçısı olub. 2019-cu il dekabrın 19-da Qoca Səmədov Dövlət Təhlükəsizliyi Xidmətinin keçirdiyi xüsusi əməliyyat nəticəsində saxlanılıb. Şəki Ağır Cinayətlər Məhkəməsinin hökmü ilə 7 il 3 ay müddətinə azadlıqdan məhrum edilib. Daha sonra onun cəzası 5 il 9 aya endirilib. Sabiq icra başçısı səhhəti ilə bağlı şərti azadlığa buraxılıb və 2023-cü ilin dekabr ayında vəfat edib.

Yeniavaz.com



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.