Musiqi məktəbərində təhsil haqqının 2 dəfə artırıldığı bildirilir – Valideynlər narazılıq edir
Musiqi məktəblərinə bu il keçirilən qəbul imtahanlarında 80, 90 və hətta maksimal 100 bal toplayan uşaqların əksəriyyəti pullu əsaslarla təhsilə yönləndirilib.
Cia.az xəbər verir ki, bu barədə övladı musiqi məktəbinə qəbul olan valideynlərdən biri narazılıq edib.
Şikayətçi bildirir ki, ödənişlərin məbləği əvvəlki illərlə müqayisədə iki dəfə artırılıb: “Hazırda aylıq ödəniş 100, 120 və ya 150 manat təşkil edir. Məktəblər isə valideynlərdən dərhal 6 aylıq ödəniş tələb edir ki, bu da müvafiq olaraq 600, 720 və 900 manat edir”.
Valideynin iddiasına görə, sənəd qəbulu üçün verilən vaxt da çox qısadır: “Çoxsaylı şikayətlərdən sonra qəbul müddəti yalnız 2 gün artırılıb”.
Şikayətçi nazirliyə və digər qurumlara müraciət etsələr də, problemlərinə baxılmadığını deyir.
Valideynlərin əsas tələbi 80-dən yuxarı bal toplayan uşaqların ödənişsiz əsaslarla təhsil alması, əlavə yerlərin açılması, bu mümkün olmadıqda isə ödənişlərin azaldılması və əvvəlki illərdə olduğu kimi aylıq şəkildə ödənilməsi ilə bağlıdır.
Onların sözlərinə görə, yüzlərlə valideyn eyni vəziyyətlə üzləşib və aidiyyəti qurumlardan məsələyə müdaxilə edilməsini gözləyirlər.
Müəllimlərin sertifikatlaşdırma nəticələrinin onların dərs yükünün müəyyənləşdirilməsinə təsiri təhsil ictimaiyyətində müzakirə olunan məsələlərdəndir. Yüksək nəticə göstərən müəllimlərə daha çox dərs saatının verilməsi, aşağı bal toplayanların isə dərs yükünün azaldılması ilə bağlı vahid yanaşmanın olub-olmaması sual doğurur. Xüsusilə dərs saatlarının müəllimlərin aylıq əməkhaqqına birbaşa təsir etməsi məsələnin aktuallığını daha da artırır.
2026-cı il üzrə müəllimlərin sertifikatlaşdırılması prosesində ən yüksək uğur göstəricisi texnologiya fənnini tədris edən müəllimlər arasında qeydə alınıb.
Yeni tədris ilinin başlanmasına iki aydan çox vaxt qalsa da, valideynləri indidən maraqlandıran əsas məsələ məktəbli formalarının qiymətidir. Bəs bu il qiymətlərdə dəyişiklik gözlənilir?
Ali təhsil müəssisələrinin magistraturalarına 14 iyun 2026-cı il tarixində keçirilmiş qəbul imtahanının (II cəhd, təkrar) yekun nəticələrini elan edilib.
Bakı Şəhər Dövlət Yol Polisi İdarəsi qarşıdan gələn “Son zəng” tədbirləri ilə əlaqədar avtomobil icarəsi fəaliyyəti ilə məşğul olan hüquqi və fiziki şəxslərə müraciət edərək onları məsuliyyətli olmağa çağırır.
