Noyabr ayında Günəşdə artan partlayışlar nəticəsində Yer kürəsinə bir neçə dəfə maqnit qasırğaları təsir göstərəcək.
Cia.az-in xarici mediaya istinadən məlumatına görə, ay ərzində həm yüngül, həm də orta dərəcəli maqnit aktivliyi müşahidə olunacaq. Bu hadisələr təkcə təbiət hadisəsi kimi deyil, həm də insanların gündəlik həyatına, sağlamlığına və texnoloji sistemlərə təsir göstərə bilər.
Geomaqnit qasırğaları Günəşdən çıxan plazma axınlarının Yerə çatması ilə yaranır. Bu axınlar planetin maqnit sahəsində dalğalanmalara səbəb olur və nəticədə peyk rabitəsində nasazlıqlar, GPS siqnallarında zəifləmə, elektrik xətlərində yüklənmə halları baş verir.
Proqnozlaşdırılan tarixlər:
11–13 noyabr – Maqnit sahəsində dalğalanmalar davam edəcək. Peyk və rabitə sistemlərində müvəqqəti pozuntular mümkündür.
15 noyabr – Zəif maqnit təsiri (Kp = 4). Ayın ortasında Günəş aktivliyi bir qədər azalacaq.
Ekspertlər bildirirlər ki, bu dövrlərdə Günəş küləklərinin təsiri ilə Yer səthində şimal işıqları (auroralar) da müşahidə oluna bilər, lakin əsasən yüksək enliklərdə.
Sağlamlıq üçün məsləhətlər:
Bu günlərdə daha çox su içmək, açıq havada sakit yürüşlər etmək, kəskin fiziki və emosional gərginlikdən uzaq durmaq məsləhətdir.
Qəhvə, enerji içkiləri və spirtli içkilərdən çəkinmək sinir sisteminə düşən yükü azaldır.
Baş ağrısı, yuxusuzluq və təzyiq dəyişmələri hiss olunduqda istirahət və yüngül qidalanma vacibdir.
Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək.
Hazırda paytaxtda, eləcə də respublikanın bir sıra rayonlarında dumanlı hava müşahidə edilir ki, bu da məhdudiyyətli görünmə şəraitində yol hərəkəti iştirakçılarına, xüsusilə sürücülərə bir sıra çətinliklər yaradır.
"Vergi Məcəlləsinə" təklif edilən yeni dəyişikliklərə əsasən, yeni ildən özəl sektorda 2500 manatadək əməkhaqqı 3 faiz gəlir vergisinə cəlb ediləcək. Dövlət və neft-qaz sektorunda olduğu kimi, özəl sektorda da vergidən azad olunan məbləğ 200 manat nəzərdə tutulub.
