Bəzi “London taksi”lərində sayğacın işləmədiyi məlum olub.
“Qafqazinfo” xəbər verir ki, Heydər Əliyev adına Hava limanından şəhərə doğru gələn London taksilərində sayğaclar işə salınmır. Sərnişinlərə isə bu haqda əvvəlcədən məlumat verilmir.
Bunun səbəbini sürücülərdən soruşduqda isə belə bir vəziyyəti gündəlik planlarının artırılması ilə izah edirlər.
Bildirirlər ki, gündəlik plan 40 manata qaldırılıb.
“Sayğac işləyəndə biz bu planı doldura bilmirik. Ona görə də bu metoda əl atmışıq. Dəfələrlə rəhbərliyə etirazımızı bildirsək də, bizi işdən çıxarmaqla hədələyiblər. Bir neçə sürücü də bu səbəbdən işdən çıxarılıb. Bundan sonra digərləri də səsini çıxara bilmir. İşimizi itirmək təhlükəsi ilə üzləşirik”.
Qeyd edək ki, “ London taksiləri”nin digər taksilərdən özəlliyi onun getdiyi məsafənin qiymətini sayğacla göstərməsidir. Hazırda 10 kilometr məsafəyə kimi 1 kilometr üçün gediş haqqı 70 qəpik, 10 kilometrdən 20 kilometrədək məsafə üçün 40 qəpik, 20 kilometrdən artıq məsafə üçün isə 20 qəpik müəyyənləşdirilib. Belə olan halda sürücülərin sayğac sisteminin işə salmaması haqlı olaraq müştərilərin də narazılığına səbəb olur.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.