Qədim inanclara və bioenerji mütəxəssislərinin rəyinə görə, el arasında "Kaktus" kimi tanınan tikanlı bitkilər evə şanssızlıq gətirən əsas amillərdən biridir.
Məlum olub ki, kaktusların tikanları "enerji oxları" rolunu oynayır və evin daxilindəki müsbət auranı parçalayır. Bioenergetiklərin fikrincə, yataq otağında və ya qonaq otağının mərkəzində saxlanılan kaktuslar ailə daxilində tez-tez münaqişələrin yaranmasına, yersiz əsəbiliyə və hətta maliyyə çətinliklərinə səbəb ola bilər. Qədim Şərq fəlsəfəsi olan Fen-şuy təliminə görə də, iti tikanlı bitkilər "şə" (neqativ) enerjini cəlb edir, bu isə ev sahiblərinin işlərinin tərs getməsi ilə nəticələnir.
Lakin kaktus yeganə "təhlükəli" bitki deyil. Siyahıda ikinci yerdə sarmaşıqlar dayanır. Xalq arasında yayılan inanclara görə, sarmaşıq növü olan bitkilər "enerji vampiri" hesab olunur və evdə yaşayan insanların gümrahlığını, həyat eşqini "sorub çəkir". Xüsusilə qurumuş çiçəkləri və ya solmuş bitkiləri evdə saxlamaq qətiyyən tövsiyə edilmir, çünki onlar durğunluq və uğursuzluq rəmzi sayılır.
Mütəxəssislər məsləhət görürlər ki, əgər evinizdə işləriniz qaydasında getmirsə və daimi bir ağırlıq hiss edirsinizsə, pəncərənin önündəki kaktusları ofisə və ya evin girişindən kənar bir yerə köçürün. Unutmayın ki, bəzən ən kiçik bir detal belə həyatınızın axarını dəyişə bilər.//Milli.Az
