Ötən il sentyabrın 15-dən Xırdalan-Sumqayıt xətti üzrə qatarla sərnişin daşımaları müvəqqəti olaraq dayandırılıb. Bu, Pirşağı-Novxanı-Xırdalan avtomobil yolunun tikintisi layihəsi çərçivəsində mövcud dəmir yolu xəttinin altından yeni avtomobil tunelinin inşası ilə bağlıdır.
Bəs, tikinti işləri nə yerdədir?
Bununla bağlı Azərbaycan Avtomobil Yolları Dövlət Agentliyinə sorğu göndərilib. Qurumdan Bizim.Media-ya bildirilib ki, hazırda tunelin tikintisi qrafikə uyğun olaraq tam sürətlə davam etdirilir:
"Tunelin tikintisi artıq tamamlanmaq üzrədir. Hava şəraiti imkan versə, tikinti işləri aprelin sonuna qədər yekunlaşdırılacaq".
Nəzərə alaq ki, tikinti işləri yekunlaşdıqdan sonra avtomobillərin qısa yolla Bakı-Şamaxı yoluna çıxışı təmin ediləcək. Üstəlik, Xırdalan-Sumqayıt xətti üzrə qatarla sərnişin daşımaları tam bərpa olunacaq və sərnişinlər ənənəvi olaraq bu istiqamətdə qatarla təhlükəsiz və rahat səfər edəcəklər.
Qeyd edək ki, avtomobil tunelinin tikintisi Prezident İlham Əliyevin sərəncamı ilə təsdiq edilmiş 2025-2030-cu illər üçün Dövlət Proqramı çərçivəsində həyata keçirilir və paytaxtın və ətraf ərazilərin nəqliyyat infrastrukturunun təkmilləşdirilməsinə xidmət edir.
Xəbər verdiyimiz kimi, “Şəki yaylası” istirahət mərkəzində əyləncə məqsədilə istifadə olunan trosun qırılması nəticəsində 2 nəfər həyatını itirib. Bəs “Şəki yaylası”nın sahibi Məhərrəm Novruzov kimdir?
Azərbaycanda sentyabrın 1-dən qüvvəyə minmiş su obyektlərindən xüsusi məqsədlər üçün istifadə ilə bağlı tələblər və ödənişlər vətəndaşların gündəlik məişət ehtiyacları, şəxsi əkin-səpin fəaliyyəti və fərdi təsərrüfat məqsədilə sudan istifadəsinə şamil edilmir.
Qara dənizdə Novorossiysk limanından çıxan, göyərtəsində 3 azərbaycanlının da olduğu “Volga 4007” yük gəmisinə ardıcıl 4 PUA zərbəsi endirildiyi bildirilir.
