Gülnarə Kərimovanın mənimsədiyi 800 milyon müsadirə olundu: İsveçrədə şok proses
İsveçrə Federal Cinayət Məhkəməsində Özbəkistanın birinci prezidenti İslam Kərimovun qızı Gülnarə Kərimovaya qarşı genişmiqyaslı məhkəmə prosesi başlayıb.
Cia.az xəbər verir ki, Kərimova irimiqyaslı korrupsiya və çirkli pulların yuyulmasında ittiham olunur. İstintaq materiallarına görə, o, Özbəkistanda lisenziya əldə etmək istəyən telekommunikasiya şirkətlərindən milyardlarla dollar dəyərində rüşvət alıb və bu vəsaitlərin yüz milyonlarla dollarını İsveçrədəki hesablar, fiktiv şirkətlər və daşınmaz əmlak vasitəsilə leqallaşdırıb.
Cinayət işi çərçivəsində artıq təxminən 800 milyon frank məbləğində vəsait müsadirə edilib. İstintaq əsasən 2005-2012-ci illəri əhatə edir və medianın məlumatına görə, məhkəmə prosesi təxminən bir ay davam edəcək.
Xatırladaq ki, Gülnarə Kərimova bundan əvvəl Özbəkistanda 13 ildən artıq müddətə azadlıqdan məhrum edilib və hazırda cəzasını orada çəkir. İsveçrədəki məhkəmənin nəticələri həm mənimsənilmiş vəsaitlərin taleyi, həm də beynəlxalq maliyyə cinayətləri ilə mübarizə baxımından mühüm əhəmiyyət kəsb edir.
Hazırda vəkillər müdafiə tərəfinin arqumentlərini hazırlayır, prokurorluq isə yeni dəlillərin olduğunu iddia edir. Bu proses Mərkəzi Asiyanın keçmiş elit təbəqəsinin maliyyə əməliyyatlarının şəffaflaşdırılması istiqamətində növbəti böyük addım hesab olunur.
Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva və Arzu Əliyeva Şəkidə Sosial Xidmətlər Agentliyinin 6 saylı uşaq evi sosial xidmət müəssisəsini ziyarət ediblər.
Xəzər dənizində müşahidə olunan ekoloji dəyişikliklər fonunda dəniz səviyyəsinin sürətlə enməsi ilə bağlı narahatlıq artır. Tehran Konvensiyası Katibliyinin koordinatoru Mahir Əliyevin Astanada keçirilən Regional Ətraf Mühit Sammitində bildirib ki, Xəzər dənizinin suyun səviyyəsi əsrin ortalarına qədər 8-21 metr enə bilər.
“Azərbaycan Respublikasının ərazisinə gətirilən aksizli malların aksiz dərəcələri”ndə dəyişiklik edilib. Cia.az-in xəbərinə görə, Nazirlər Kabineti bu barədə qərar verib.
Naxçıvan Muxtar Respublikası Əmək və Əhalinin Sosial Müdafiəsi Nazirliyi tərəfindən Çernobıl Atom Elektrik Stansiyasında qəza ilə əlaqədar əlilliyi olan 4 şəxsə minik avtomobili təqdim edilib.
Aprelin 21-də "Bakı Metropoliteni" QSC-də baş vermiş hadisə ilə bağlı texniki araşdırmanı səhmdar cəmiyyətinin bütün rəhbər heyətinin birbaşa iştirakı ilə mühəndis-mütəxəssisləri aparır.
Bakıda sənədsiz tikilmiş evlərin sökülməsi məsələsi xüsusən son yağışlardan sonra cəmiyyət arasında ciddi müzakirələrə səbəb olur. Bir tərəfdən şəhərsalma qaydalarının pozulması və təhlükəsizlik məsələləri önə çəkilir, digər tərəfdən isə illərlə həmin evlərdə yaşayan insanların taleyi sual altına düşür.
