"Tozcuqların havadakı konsentrasiyası günün müxtəlif saatlarında dəyişir".
Musavat.com xəbər verir ki, bunu canlı yayımda Səhiyyə Nazirliyi Elmi-Tədqiqat Ağciyər Xəstəlikləri İnstitutunun pulmonoloqu Günay Əliyeva deyib.
Onun sözlərinə görə, 05:00-10:00 ən yüksək tozcuq aktivliyi, 10:00-16:00 nisbətən stabil dövr, 16:00-20:00 konsentrasiyanın yenidən artdığı saatlar, 00:00-05:00 isə ən aşağı səviyyə olan saatlardır.
"Bu səbəbdən allergiyası olan şəxslərə pik saatlarda açıq havada az vaxt keçirmək, maska və gün eynəyindən istifadə etmək tövsiyə olunur".
Bundan başqa nəzərə çatdırıb ki, allergik rinitdən əziyyət çəkən pasiyentlərdə hava şəraitinin dəyişməsi şikayətlərin artmasına səbəb ola bilər:
"Yağışlı havalarda bəzən vəziyyətin yaxşılaşması, bəzən isə əksinə pisləşməsi müşahidə olunur".
Qeyd edib ki, yağış zamanı havadakı allergenlərin miqdarı azalır və bu, tənəffüs yollarında qıcıqlanmanı bir müddət zəiflədir:
"Lakin yağışdan sonra rütubətin artması bitki tozcuqlarının şişməsinə və parçalanmasına səbəb olur. Nəticədə bu hissəciklər yenidən havaya qarışaraq allergik şikayətləri gücləndirə bilər".
Güclü küləyin təsiri nəticəsində aşan ağacın altında qalan şəxs Səhiyyə Nazirliyinin Elmi-Tədqiqat Travmatologiya və Ortopediya İnstitutuna hospitalizasiya olunub.
Astroloqların proqnozlarına görə, iyul ayında bəzi tarixlər yeni başlanğıclar, maliyyə uğurları və şəxsi münasibətlər baxımından daha əlverişli enerji ilə seçilə bilər.
Yanğınsöndürənlərin çevik müdaxiləsi sayəsində Xırdalanda yerləşən çoxmərtəbəli yaşayış binasında baş verən yanğın genişlənməsinə imkan verilmədən qısa müddətdə söndürülüb.
Bu gün Bakıda və Abşeron yarımadasında hava şəraitinin yağmursuz keçəcəyi, lakin gecə saatlarında yarımadanın bəzi yerlərində qısamüddətli az yağış yağacağı, şimşək çaxacağı ehtimalı var.
İyulun 16-da paytaxtın və Lənkəranın bir sıra ərazilərində aparılacaq təmir-təftiş işləri ilə əlaqədar elektrik enerjisinin verilişində fasilələr yaranacaq.
