Müğənni Vüsal Əliyevin bir neçə gün əvvəl keçirilən ad günü mərasimindən yayılan görüntülər sosial şəbəkələrdə geniş müzakirələrə səbəb olub.
Məclisdə çəkilən videoda sərxoş vəziyyətdə olan bir şəxsin müğənni Kəmalə Günəşliyə qarşı etik çərçivədən kənar davranış sərgilədiyi əks olunub. Sözügedən anlar izləyicilər tərəfindən birmənalı qarşılanmayıb və tənqidlərə yol açıb.
Hadisədən sonra Vüsal Əliyev sosial media hesabında videomüraciət yayımlayaraq baş verənlərə münasibət bildirib. Müğənni xoşagəlməz görüntülərə görə izləyicilərdən və ictimaiyyətdən üzr istəyib.
Həmin görüntülər qısa zamanda sosial şəbəkələrdə gündəm mövzularından birinə çevrilib.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.