“WhatsApp” sizə bildiriş göndərəcək: Doğum günlərini...
Dünyanın ən populyar mesajlaşma platformalarından olan “WhatsApp” istifadəçilərin yaxınlarının doğum günlərini qaçırmaması üçün yeni bildiriş funksiyası üzərində işləyir.
Tətbiq istifadəçilərin kontakt siyahısındakı şəxslərin yaxınlaşan doğum günləri barədə birbaşa bildiriş göndərəcək.
Beləliklə, istifadəçilər əlavə təqvim tətbiqlərindən istifadə etmədən xüsusi günləri asanlıqla xatırlaya biləcəklər.
Yeni funksiyaya əsasən, istifadəçilər doğum tarixlərini istəyə bağlı şəkildə profillərinə əlavə edə biləcəklər. Doğum günü məlumatının kimlər tərəfindən görünəcəyi isə məxfilik funksiyaları vasitəsilə istifadəçinin nəzarətində olacaq.
Kontakt siyahınızda olan şəxsin doğum günü gəldikdə, “WhatsApp” sizə xüsusi bildiriş göndərəcək və onu təbrik etməyi xatırladacaq.
Qeyd edək ki, platforma son dövrlərdə istifadəçi adları, süni intellekt funksiyaları və təkmilləşdirilmiş axtarış imkanları kimi yenilikləri istifadəyə verərək profil və ünsiyyət funksiyalarını daha da zənginləşdirir.
Hazırda doğum günü bildirişi funksiyası məhdud sayda Android beta istifadəçisi arasında sınaqdan keçirilir. Yeniliyin bütün istifadəçilər üçün nə vaxt əlçatan olacağı isə hələlik açıqlanmayıb./Qafqazinfo
Azərbaycan Prezidenti İlham Əliyev iyulun 11-də Şuşa rayonunun Kiçik Qaladərəsi kəndində fərdi evlərin və infrastrukturun bərpası sahəsində görülən işlərlə tanış olub və kəndə qayıdan sakinlərlə görüşüb.
Naxçıvan Muxtar Respublikası ilə Bakı arasında yeganə nəqliyyat dəhlizi olan hava əlaqəsində son aylarda ciddi fasilələr, reyslərin kütləvi şəkildə təxirə salınması və ləğv olunması halları müşahidə edilir. Statistikaya nəzər saldıqda, bu il ötən illərlə müqayisədə Bakı-Naxçıvan-Bakı marşrutu üzrə uçuşların daha çox ləğv edildiyi görünür.
Türkmənistanın İnşaat və Memarlıq Nazirliyi Azərbaycanın paytaxtı Bakıda öz səfirliyinin yeni inzibati binasının inşası məqsədilə beynəlxalq müsabiqə elan edib.
Prezident İlham Əliyev "Azərbaycan Respublikası Hökuməti ilə Gürcüstan Hökuməti arasında Gürcüstana elektrik enerjisinin təchizatı və elektrik enerjisinin Gürcüstan ərazisi vasitəsilə tranziti barədə Saziş"in təsdiq edilməsi ilə bağlı Fərmanı imzalayıb.
