Bu gün Azərbaycanın bəzi məktəblərində “Son zəng” keçirilir. Bu gün isə tədris həftəsi 6 günlük olan məktəblərin məzunları üçün “Son zəng” çalınır.
Tədris həftəsi 5 günlük olan məktəblərin məzunları üçün "Son zəng" tədbirləri ötən gün keçirilib.
Təhsil Nazirliyindən bildirdilər ki, hər il olduğu kimi bu ildə son zəng ancaq məktəblərdə qeyd olunacaq. “Son zəng” iki gün - mayın 29-u və 30-da qeyd edilir.
Ümumilikdə 2014-2015-ci tədris ilində Azərbaycanın ümumi təhsil müəssisələrinin IX siniflərini 111 839, XI siniflərini 90 557, qiyabi və axşam məktəblərinin XII siniflərini isə 820 şagird bitirəcək. Ötən tədris ilində respublikanın ümumi təhsil müəssisələrinin IX siniflərindən 118 206, XI siniflərindən 86 797, qiyabi və axşam məktəblərinin XII siniflərindən isə 754 şagird məzun olub.
Paytaxtın orta məktəblərində təşkil ediləcək “Son zəng” tədbirləri ilə əlaqədar yol polisi 29-u və 30-u may tarixlərində gücləndirilmiş iş rejiminə keçib.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.