banner
banner

Gündəm

Azərbaycan BMT-nin mükafatına layiq görülüb- FOTO

Azərbaycan BMT-nin mükafatına layiq görülüb-

Xəbər verdiyimiz kimi, Azərbaycanın kənd təsərrüfatı naziri Heydər Əsədovun başçılıq etdiyi nümayəndə heyəti Romada BMT-nin Ərzaq və Kənd Təsərrüfatı Təşkilatı (FAO) Konfransının 39-cu sessiyasında iştirak edir.
Sessiyanın ikinci günü əvvəlcə nümayəndə heyətlərinin rəhbərləri birgə xatirə şəkli çəkdiriblər.

FAO-nun baş direktoru Jose Qratsiano da Silva çıxış edərək, dünyada aclıqdan əziyyət çəkən insanların hələ də çoxluq təşkil etdiyini bildirib: “Yer kürəsində hər doqquz insandan biri ərzaq ehtiyacını kifayət qədər təmin edə bilmir. Bu, qəbuledilməzdir. Ona görə də biz müvafiq problemin həlli istiqamətində qlobal səylərimizi iki dəfə artırmalıyıq”.

Daha sonra aclıqla mübarizə istiqamətində əldə etdiyi nailiyyətlərə görə bir sıra ölkələr, o cümlədən Azərbaycan mükafatlandırılıb.

H.Əsədov Azərbaycanın mükafatlandırılması ilə bağlı təəssüratlarını jurnalistlərlə bölüşüb: “1996-cı ildə Romada keçirilmiş Dünya Ərzaq Sammitində 182 ölkənin nümayəndəsi qidalanmadan əziyyət çəkən əhalinin sayının 2015-ci ilədək yarıya qədər azaldılması üzrə öhdəlik götürüb. 2000-ci ildə isə müəyyən edilmiş Minilliyin İnkişaf Məqsədlərinə uyğun olaraq yoxsulluğun yarıyadək azaldılması və 5 faizdən aşağı endirilməsi üzrə 189 ölkə öhdəlik götürüb. Onlardan yalnız 72-si müvafiq sahədə müəyyən nailliyyətlər əldə edib. Həmin ölkələrdən 29-u, o cümlədən Azərbaycan bu hədəflərin hər ikisinə nail olub. Ölkəmizdə yoxsulluğun səviyyəsi bir neçə ildir ki, 5 faizdən aşağıdır. Çox şadıq ki, Prezident İlham Əliyevin rəhbərliyi ilə ölkəmiz BMT-nin müvafiq proqramlarını uğurla icra edir. Bundan sonra Azərbaycan aclıqla mübarizə tədbirlərində iştirak etməklə yanaşı, donor ölkə kimi də bir sıra dövlətlərə də yardımlar göstərəcək”.

Sessiya iyunun 13-dək davam edəcək.











Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.