banner
banner

Gündəm

İrəvanda oturaq aksiya və qarşıdurma başladı

İrəvanda oturaq aksiya və qarşıdurma başladı

İrəvanın mərkəzində elektrik enerjisi tariflərinin qaldırılmasına etiraz edən aksiya iştirakçıları yenidən mərkəzi Baqramyan prospektində oturaq piket keçirmək qərarına gəliblər.

APA-nın “NEWS.am”a istinadən verdiyi xəbərə görə, hazırda etirazçılar Ermənistan Yazıçılar İttifaqının binası qarşısında toplaşıblar. Polis onlara irəli hərəkət etməyə imkan vermir.

“Novosti Armeniya” agentliyinin məlumatına görə, polis aksiya iştirakçılarının 5 nümayəndəsinə prezident Serj Sarkisyanla görüşməyi təklif edib. Aksiya təşkilatçıları bu təklifi ümumi müzakirəyə çıxarmaq niyyətindədirlər.

Qeyd edək ki, ötən gün də prezident 3-4 etirazçını qəbul etməyə hazır olduğunu bildirmişdi, lakin bu təklif etirazçılar tərəfindən rədd edilmişdir. Polis etirazçıları dağılışmağa çağırır.

Hazırda etirazçılar polislə özləri arasında zibil qutularından sədd yaradaraq onları döyəcləyirlər.

*   *   *20:37

Ermənistanın paytaxtı İrəvanda bu saatlarda yenidən irimiqyaslı etiraz aksiyası başlayıb. Təşkilatçı yenə də "Talana yox!" vətəndaş cəmiyyəti hərəkatıdır.

Aksiya iştirakçıları ölkədə elektrik enerjisinin qiymətini azaltmaqğı tələb edirlər.

Xatırladaq ki, dünən İrəvanda minlərlə insan elektrik enerjisinin bahalaşmasına qarşı nümayişdə iştirak edib. Etiraz aksiyası bu gün səhər saatlarında polis tərəfindən zor gücünə dağıdılıb. 250-dək etirazçı saxlanılıb.

Bugünkü aksiyada iştirak edən etirazçıların əsas tələblərindən biri də son aksiyada həbs edilən fəalların azad olunmasıdır.

 

Cia.az

 


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.