Bilik günü səhər saat 10:00-dək Bakıda maddi zərərlə nəticələnən 2 yol-nəqliyyat hadisəsi baş verib. Səhər saatlarında təhsil müəssisələrinin ətrafında qanun park etmiş yüzlərlə avtomobil sürücüsü cərimə olunub.
Bunu Trend-ə Daxili İşlər Nazirliyi (DİN) Bakı şəhər Baş Polis İdarəsinin Dövlət Yol Polisi İdarəsinin (BŞDYPİ) İctimai qurumlarla əlaqə bölməsinin rəisi, polis polkovniki Vaqif Əsədov deyib.
Bölmə rəisi qeyd edib ki, təkcə Səbayel rayonu ərazisində saat 7:45-dən 8:45-dən 120 inzibati protokol tərtib olunub: “Nəqliyyatın sıxlığı və tıxaclar əsasən yollara yaxın məasfədə yerləşən təhsil müəssisələrinin yanında baş verir. Məsələn, Azadlıq prospekti ilə Xaqani küçəsinin kəsişməsində yerləşən 160 saylı məktəbin, Nizami və Rəşid Behbudov küçələrinin kəsişməsində 23 saylı məktəbin və s. yollara yaxın və bitişik təhsil müəssisələrinin yaxınlığında sürücülərin yol-hərəkəti qaydalarının pozulması müşahidə olunur. Həmin sürücülərə qarşı kimliyindən asılı olmayaraq qanunvericiliyin tələbi ilə sərt tədbirlər görülür. Yollarda təhlükəsizliyin təmin edilməsi və asayişin qorunması üçün yol polisləri indi də xidmətdədir və gücləndirilmiş iş rejimində davamlı fəaliyyət göstərirlər”.
V.Əsədov məktəbə yaxın ərazilərdə qeyri-adi hallara rast gəldiklərini açıqlayıb: “Məktəblərə yaxın məsafələrdə sürücülərin sükan arxasında yatmış vəziyyətdə dayandığının da şahidi olduq. Belə şey görməmişdik, bunu da gördük. Belə qənaətə gəldik ki, hələ sürücü məsuliyyətini dərk etməyən, yollarda təhlükəsizliyin nə demək olduğunu anlamayan şəxslər çoxdur. Təhsil müəssisələri ətrafında avtomobil parkının yaradılması yolverilməzdir. Ərazidə xidmət aparan yol polisi olsa da, olmasa da sürücü peşəkarlığı, düşüncəsi, səriştəsi buna yol verməməlidir. Avtomobilin yolun hərəkət hissəsində saxlanması yolun daralması deməkdir. Bu isə digər nəqliyyat vasitələrinin hərəkətinə süni maneə yaradır”.
Bölmə rəisi Bakı şəhər Dövlət Yol Polisi İdarəsi adından sürücülərə müraciət edib: “Məktəblərə bitişik küçə və prospektlər üzrə hərəkət edərkən əvvəlcədən istiqamətini düzgün təyin edin! Parklanma qaydalarını pozmayın! Yolların hərəkət hissəsində, ikinci cərgədə, qadağan edilmiş ərazidə park etmiş sürücü barəsində ciddi tədbir görüləcək”.
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.