Yağış vəziyyəti gərginləşdirdi - Yeni sürüşmə ocaqları...
Son günlər yağan leysan yağışlarla əlaqədar Azərbaycanın cənub zonasındakı sürüşmə sahələrində vəziyyət gərginləşib, yeni sürüşmə ocaqları yaranıb.
Bunu Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji planlama ekspedisiyasının baş geoloqu Ələmdar Piriyev deyib.
Onun sözlərinə görə, sel sularının təsiri nəticəsində Lənkəran-Astara zonasında vəziyyət gərginləşib: "Ətraf əraziləri su basdığından əməkdaşlar sürüşmə ocaqlarında da tədqiqat işi apara bilməyiblər".
Ə.Piriyev bildirib ki, Lənkəran rayonunda sürüşmə sahələrinin əhatə dairəsi daha geniş olub. Rayonunun Gərgivan kəndi ərazisində 20 yerdə, Biləsər kəndində 2 yerdə, Osaküçə kəndində 1 yerdə , Bəliton kəndində 5-6 yerdə, Horavenç kəndində 1 yerdə, Girdəni kəndinin çay dərəsində 4-5 yerdə, Köhnəqəqir kəndində 2 yerdə yeni sürüşmə sahələri yaranıb. Nəticədə bır çox evlərə ziyan dəyib.
Lerik rayonunda Bradi, Züvüc, Molalan, Dastel kəndlərinin hər birində 2 sürüşmə hadisəsi baş verib. Eyni zamanda Masallı rayonunda Köhnə Zivənd yolu sürüşməyə məruz qalıb. Masallının Ərkivan, İsgəndərli, Sığdaş kəndlərində çökmə hadisələri baş verib. Masallı rayonun özündə də çökmə hadisəsi qeydə alınıb.
Qeyd edək ki, noyabrın 7-dən 10-dək Lənkəran-Astara zonasında güclü yağış yağıb. Düşən yağıntının miqdarı Lənkəran-Astara zonasında 69-122 mm olub ki, bu da aylıq normanın 44-72 faizini təşkil edib.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.