Cəbrayılın icra başçısı Mahmud Quliyevlə bağlı sosial şəbəkələr və mətbuatda yayılan məlum video ətrafında yaranan söz-söhbətlər səngimək bilmir. Hər keçən gün məsələ daha da aktuallaşır. Artıq icra başçısının vəzifəsindən uzaqlaşdırılması, hətta həbs edilməsi ilə bağlı tələblər səslənməkdədir.
Hüquqşünaslar açıqlamalarında təhqir işlətdiyinə görə icra başçısı barəsində cinayət işinin açıla biləcəyini istisna etmirlər. Hüquqşünas Əliməmməd Nuriyev modern.az-a açıqlamasında bildirib ki, icra başçısının bu hərəkətinə “Dövlət qulluqçularının etik davranış qaydaları haqqında” Qanuna uyğun olaraq baxıla bilər. O qeyd edib ki, nəzakətsiz davranışa görə intizam qaydasında ona xəbərdarlıq edilə bilər.
“Yuxarı orqan-Prezident Administrasiyası tərəfindən icra başçısına cəzalar tətbiq edilə bilər. Digər tərəfdən, onun konkret şəxsə söylədiyi fikir və etdiyi hərəkətlərə görə də həmin şəxs təhqir olunduğunu əsas gətirərək, hüquq-mühafizə orqanlarına cinayət işinin başlanması ilə bağlı müraciət edə bilər. Bu, artıq xüsusi ittihamda olan işdir”.
Ə.Nuriyev qeyd edib ki, dövlət qulluqçusu prezidentin müşavirələrində də dediyi kimi, nəzakətli olmalı, xalqın xidmətində durmalıdır: “Eyni zamanda məmur öz hərəkətlərində etik davranış kodekslərinə əməl etməlidir. Bu, bütün dövlət qulluçularına, eyni zamanda icra başçısına aid olan məsələdir. Yuxarı orqanın qərarına görə bu kimi hərəkətlərə görə icra başçısına xəbərdarlıq edilə və ya işdən çıxarıla bilər”.
Amma hakimiyyət hələ də bu məsələdə susqun mövqe sərgiləyir. 16 ildir icra başçısı olan M.Quliyevlə bağlı atılacaq addım müəmmalı olaraq qalmaqdadır. Onun timsalında iqtidarın bu tipli hadisələrdə sərgilədiyi mövqe yenidən gündəmə gəldi. Belə ki, hakimiyyət indiyə qədər başqa icra başçıları ilə bağlı yaranan belə vəziyyətlərdə onları postlarında saxlamağa daha çox üstünlük verib. 16 il öncə Şəmkirin icra başçısı Aslan Aslanovun törətdiyi əməlləri, eləcə də aylar öncə Salyanın icra başçısı Tahir Kərimovun “padşahlar”a məxsus mətbuatda yayılan məlum gül fotoları dediklərimizə əyani sübutdur. Sanki hakimiyyət yerli əhalinin etirazından daha çox, icra başçılarını vəzifələrindən uzaqlaşdırmağa çəkinir. Bu vəzifə sahiblərinin zülmündən isə əziyyət çəkən sadə vətəndaşlar olur. Üç il öncə İsmayıllı və ondan bir il öncə də Qubada baş verən məlum xalq üsyanları məhz belə yarıtmaz məmurların qanunsuz əməlləri ucbatından olmuşdu.
Bəzi ekspertlər hesab edirlər ki, iqtidarın bu şəxsləri postlarında saxlamalarına səbəb onlara olan inamdır. Çünki onlar nə qədər özbaşınalıq etsələr də hakimiyyətə daim sadiqlikləri ilə seçilirlər. Bölgələri nəzarətdə saxlamağın yeganə yolu isə bu tipli şəxslərin həmin ərazilərdə rəhbərlikdə olmalarıdır.
Ümid Partiyasının sədri İqbal Ağazadə hesab edir ki, iqtidar icra başçıları ilə bağlı siyasətini dəyişsə, vətəndaşların tələbləri çoxalar: “Hakimiyyət belə şəxsləri icra başçısı vəzifəsindən azad etsə, mahiyyətdə vətəndaşların icra başçısından etik normalara əməl etməyi üçün əllərində kifayət qədər əsaslar olacaq. Hər kəs bu məsələlərdə həm vətəndaş kimi haqqını, həm də mənəvi haqqını istəyəcək. Bu da vətəndaşın icra hakimiyyəti üzərində qələbəsi ilə nəticələnəcək. Amma bizdə fərqlidir, icra başçısı daha çox vətəndaş üzərində qələbə qazanmağı düşünür. Ona görə də hakimiyyət bu tipli məmurları vəzifələrdə saxlamağa daha çox önəm verir”.
İ.Ağazadə hakimiyyətin İsmayıllı və Quba olayları ilə üzləşə biləcəyi ehtimallarından da danışdı: “Bu gün İsmayıllı və Quba hadisələrinə oxşar hadisələr olmasa da, iqtisadi böhranın törətdiyi səbəblərə uyğun regionlarda aksiyalar keçirilir. Arzu edək ki, xaos olmasın. Amma düzgün siyasət yeridilməsə, münasibətlər sistemində yeni çalarlar ortaya çıxmasa, heç kim heç nədən sığortalanmayıb”.
Partiya sədri hakimiyyətin bu cür hallarda kadr qıtlığı ilə üzləşə biləcəyini də istisna etmir: “Hər bir daşı yerindən tərpətmək, onun əvəzinə yeni daş qoymaq özü-özlüyündə çətinliklər yaradır. Hakimiyyət üçün köhnələrlə işləmək daha uğurlu variant hesab olunur. Buna görə də iqtidar yoluna bu şəkildə davam edir”(Musavat)
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.