banner
banner

Gündəm

Vəkildən Hicran Hüseynovaya qarşı İDDİA: “170 min dollarla bağlı yazılı qeydlər də var”

Vəkildən Hicran Hüseynovaya qarşı İDDİA:
Ailə, Qadın və Uşaq Problemləri üzrə Dövlət Komitəsinin sabiq aparat rəhbəri Səfər İmanov vətəndaşdan 170 min dollar alıb və onu Bakının rayonlarından birində icra hakimiyyətinin başçısının müavini vəzifəsinə təyin etdirəcəyi haqda vəd verib. Bu haqda “Yeni Müsavat”a açıqlama verən vəkil Adəm Məmmədov deyib ki, Səfər İmanova 170 min dollar verən şəxs Qubadlı rayon sakinidir, keçmiş biznesmendir və 45 yaşındadır. Lakin vəkil hələlik onun adını açıqlamayıb. 
Xəbər verildiyi kimi, bir gün əvvəl Adəm Məmmədov facebook səhifəsində icra hakimiyyəti başçısının müavini vəzifəsi üçün vətəndaşdan 170 min dollar alan və öhdəliyini yerinə yetirməyən vəzifəli şəxs barəsində şikayət ərizəsi aldığı haqda məlumat yayıb. Vəkil həmin şəxsin ərizəsini araşdırılmaq üçün Baş Prokuror yanında Korrupsiyaya qarşı Mübarizə Baş İdarəsinə göndərib. Bununla belə, vəkil rüşvət alan vəzifəli şəxsin adını açıqlamamışdı, onun dövlət komitələrindən birində aparat rəhbəri olduğunu yazmaqla kifayətlənmişdi. 
 
Məlum olub ki, S.İmanov 2015-ci il noyabrın 1-də öz ərizəsi ilə işdən çıxıb və vəkilin bildirdiyinə görə, daha sonra Almaniyaya qaçıb. Hazırda orada yaşayır.
 
“Yeni Müsavat”a daxil olan məlumata görə, S.İmanov həmin məbləği komitənin rəhbərliyinə daxil olan digər şəxsin kabinetində və onun iştirakı ilə alıb. 
Ailə, Qadın və Uşaq Problemləri üzrə Dövlət Komitəsinin İnformasiya və analitik araşdırmalar şöbəsinin müdiri Elgün Səfərov “Report”un sorğusuna cavab olaraq bildirib ki, S.İmanovun 170 min dollar pul alması iddiası ilə bağlı rüşvət verən şəxsin vəkili Adəm Məmmədov komitədə olub. A.Məmmədovla söhbətdən sonra vəkilin iddia etdiyi faktın araşdırılması üçün bu il fevral ayının 7-də Dövlət Komitəsi rəsmi şəkildə Baş Prokuroru yanında Korrupsiyaya Qarşı Mübarizə Baş İdarəsinə müraciət edib: “Müraciət edilib ki, məsələ araşdırılsın, ehtiyac varsa, müvafiq tədbir görülsün. Biz hələ də baş idarədən cavab gözləyirik. Məsələ hələ təsdiqini tapmayıb, həmçinin təkzib edilməyib”.
Vəkil məsələ ilə bağlı araşdırmaların nəticəsindən asılı olaraq məlumat veriləcəyini də açıqlayıb. 
Cia.az


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.