Prokurorluq işçiləri ilə bağlı vacib dəyişiklik TƏKLİF
Azərbaycanda vəzifələrini layiqincə yerinə yetirməyən prokurorluq işçiləri barəsində intizam tənbehi tətbiq oluna bilər.
Milli Məclisdən verilən məlumata görə, bununla əlaqədar "Prokurorluq haqqında" qanuna dəyişikliyin edilməsi təklif olunur.
Hazırda xidməti intizamı pozduğuna görə prokurorluq işçisinin barəsində irad tutma, töhmət, şiddətli töhmət, aşağı vəzifəyə keçirmə, rütbənin aşağı salınması, vəzifədən azad etmə (bu halda prokurorluq işçisi üç ayadək müddətdə sərəncamda ola bilər, həmin müddət ərzində şəxsin prokurorluq orqanlarından xaric edilməsinə əsaslar olmazsa, o, prokurorluq orqanlarında işə təyin edilir), prokurorluq orqanlarından xaric etmə, rütbədən məhrum olunmaqla prokurorluq orqanlarından xaric etmə kimi intizam tənbehlərindən biri tətbiq oluna bilər.
Yeni dəyişikliklərdə isə təklif edilir ki, prokurorluq işçisi həm xidməti intizamı pozduğuna, həm də vəzifələrini layiqincə yerinə yetirmədiyinə, "Azərbaycan Respublikası Prokurorluğu İşçilərinin Etik Davranış Kodeksi"nin tələblərinə əməl etmədiyinə görə barəsində sadalanan intizam tənbehlərindən biri tətbiq oluna bilər.
Yeni dəyişiklik prokurorluq işçilərinin nizam-intizam tədbirlərini gücləndirmək məqsədi ilə beynəlxalq təcrübəyə əsaslanaraq təklif edilir.
"Prokurorluq orqanlarında qulluq keçmə haqqında" dəyişikliyin edilməsini nəzərdə tutan yeni layihəyə əsasən, intizam xətası törədildiyi gündən 3 il keçdikdə prokurorluq işçisinə intizam tənbehi verilə bilməz. Qanunun hazırkı variantında isə bu müddət 1 il müəyyənləşdirilib.
Qeyd edək ki, hər iki qanuna dəyişiklik layihəsi Milli Məclisin iyunun 14-də keçiriləcək iclasında müzakirə ediləcək.
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.