ABŞ “Azercell”in səhmdarını 1,4 milyard dollar cərimə edə bilər
ABŞ hökuməti İsveçin telekommunikasiya nəhəngi “Telia” şirkətini Özbəkistandakı korrupsiya qalmaqalına görə 1,4 milyard dollar cərimə etmək niyyətindədir.
“Financial Times” qəzeti xəbər verir ki, sanksiya ABŞ-ın Xarici Korrupsiya Təcrübələri Aktı üzrə ən iri məbləğdə olan cərimələrdən biri ola bilər.
“Telia”nın rəhbəri Meri Eyrlinq isə yaranmış vəziyyəti bu cür şərh edib. “Cərimə olduqca böyükdür. Biz məlumatı dəqiqləşdirməliyik və tənzimləyicilərlə davam edən müzakirələrin necə həll olunacağı barədə qərar verməliyik”.
Artıq bir neçə ildir iddia olunur ki, “Telia” 2007-ci ildə Özbəkistan bazarına daxil olmaq üçün bu ölkənin bəzi yüksək rütbəli məmurlarına rüşvət təklif edib. Son açıqlamasında M.Eyrlinq də dolayı yolla bunu etiraf edib: “Şirkətimizin Özbəkistan bazarına daxil olması qeyri-etik və səhv yolla baş tutub. Mən bunu dəfələrlə demişəm ki, biz çox böyük məsuliyyətin altına giririk. Hal-hazırda isə məsələyə aydınlıq gətirmək üçün tənzimləyicilərlə yaxından əməkdaşlıq edirik”.
Xatırladaq ki, ötən ilin avqust ayında “Telia” tədricən Asiya regionundakı iştirakını dayandıracağını bildirib. Şirkət “uzun illərdir yerli tərəfdaşlarının korrupsiyaya uğramasına dair araşdırmalardan yorulduğunu” bildirib.
Şirkət artıq Nepaldakı aktivlərini satıb.
Hazırda şirkətin Avrasiya bölməsinə Azərbaycan, Gürcüstan, Qazaxıstan və Moldovadakı biznesi birləşdirən “Fintur Holdings” və Özbəkistandakı aktivləri daxildir. Onu da bildirək ki, “Fintur Holdings”in bir hissəsi “Turkcell” şirkətinə məxsusdur.
Bu yaxınlarda yayılan məlumata görə, “Telia” Tacikistandakı törəməsi “Tcell” şirkətindəki payını satır. “Telia” “Central Asian Telecommunications Development B.V.” şirkətindəki 60%-lik payını “Aga Khan” İqtisadi İnkişaf Fonduna satmaq niyyətindədir. Yeri gəlmişkən, “Aga Khan” “Tcell”dəki qalan 40%-in sahibidir.
Bazar dəyəri 66 milyon dollar olan “Tcell”in satışından “Telia” 39 milyon dollar əldə etmək niyyətindədir.(APA)
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.