banner
banner

Sosİal

Azərbaycanda psixoloq şəbəkəsi genişləndiriləcək

Azərbaycanda psixoloq şəbəkəsi genişləndiriləcək
Səhiyyə Nazirliyinin Psixi Sağlamlıq Mərkəzində Ümumdünya Psixi Sağlamlıq Gününə həsr olunmuş konfrans keçirilib.
APA-nın xəbərinə görə, tədbirdə psixi sağlamlıq sahəsinin aparıcı mütəxəssisləri, Ümümdünya Səhiyyə Təşkilatının ölkədəki ofisinin, Fövqəladə Hallar Nazirliyinin, Ədliyyə Nazirliyinin nümayəndələri iştirak ediblər.
ÜST-nin Azərbaycan nümayəndəliyinin mütəxəssisi Cəvahir Süleymanova bildirib ki, Psixi Sağlamlıq Günü 1992-ci ildən etibarən müntəzəm olaraq hər il 10 oktyabr tarixində qeyd olunur. O deyib ki, bu ilin mövzusu ilkin psixoloji yardımdır.
Psixi Sağlamlıq Mərkəzinin direktoru Fuad İsmayılov dövlət tərəfindən ilkin və ixtisaslı psixoloji yardıma ayrılan diqqətdən danışıb. O qeyd edib ki, Səhiyyə Nazirliyi tərəfindən 2016-cı ildən etibarən böyük tibb müəssisələrində psixoloq ştat vahidləri açılıb. Mərkəzin şöbə müdiri Səbinə Kərimova Səhiyyə Nazirliyinin qərarı ilə ən çox ehtiyac duyulan müəssisələrdə psixoloqların fəaliyyət göstərdiyini söyləyib. Gələcəkdə ölkədə psixoloq şəbəkəsinin daha da genişləndiriləcəyini vurğulayan S. Kərimova qeyd edib ki, son illər Azərbaycanda psixoloji müayinələrin sayı artıb: “Əvvəllər insanlar psixoloqa müraciət etməyə utanırdılar. Psixoloqa, psixiatra müraciət edənlərə xəstə, problemli biri kimi baxırdılar. Hazırda bu stiqma aradan qalxıb. İlkin psixi yardım sayəsində stressli, gərgin halların sonradan törədə biləcəyi ciddi problemlərin qarşısını almaq mümkündür”. 
 
Tədbirin davamında mərkəzin direktor müavini Rüstəm Salayev və psixoloq Aygün Sultanova təqdimatla çıxış ediblər.
Cia.az


Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.