banner
banner

Sosİal

ASAN könüllüləri 400 kq pambıq yığdılar

ASAN könüllüləri 400 kq pambıq yığdılar
Gəncə Regional ASAN Xidmət mərkəzinin könüllüləri Samuxda pambıq yığımına cəlb edilib. ASAN könüllüləri təşkilatının rəhbəri Bəxtiyar İslamov  “Yeni Müsavat”a bildirib ki, 50-yə yaxın könüllü gün ərzində hərəyə 10 kiloqramadək yığım etməklə ümumi prosesə öz töhfələrini veriblər.  Sahədən 400 kiloqramdan artıq məhsul toplanaraq pambıq yığımı məntəqəsinə təhvil verilib:

“Hazırda ölkədə xüsusilə daxili istehsalın artırılması  istiqamətində bir çox işlər görülür ki, kənd təsərrüfatı da burada əsas rol oynayır. Tarixə nəzər salsaq görərik ki, pambıqçılıq hər zaman daxili məhsulun istehsalında rol oynayan önəmli sahədir. Hazırda da bu  istiqamət üzrə işlər görülür. ASAN könüllüləri də bu məsələdə  dövlətə öz dəstəyini vermək üçün fəaliyyətə keçdi. Məqsəd qeyd etdiyim kimi, bu sahədə aparılan işlərə dəstək vermək idi”.
 
B.İslamov bildirib ki, bundan sonra da ASAN könüllüləri bu kimi layihələrini davam edəcəklər:

“İndiyə qədər də bir çox layihələrimiz olub. Ən sonuncu reallaşdırılan layihələr içərisində ”ASAN Akademiya" layihəsini göstərə bilərik. Bu layihə bizdə  ənənəvi şəkildə hər il keçirilir. Eyni zamanda sırf  gənclər arasında kitaba marağın artırılması üçün biz “hərəyə bir kitab bölüşək” layihəmizi bu il də davam etdirdik. Qarşıdan gələn layihələr içərisində isə deyə bilərəm ki,  bizim növbəti ayda Gəncə şəhərində “Startup Azərbaycan”la birlikdə “Azərbaycan startup festivalı” adlı böyük beynəlxalq layihəmiz baş tutacaq. Bu layihənin də  əsas məqsədi yerli gənclərlə xarici gənclər arasında xüsusi fikir mübadiləsi yaratmaqdır. Eyni zamanda gənclərə bu istiqamətdə layihələrini reallaşdırılması məsələsinə öz dəstəyimizi verməkdir. Bundan başqa, regionlarda və dağlıq ərazilərdə kənd təsərrüfatı ilə bağlı biliklərin artırılması istiqamətində də xüsusi təlimlər paketimiz baş tutacaq. Gənclər arasında idmana marağın artırılması istiqamətində də bir sıra ənənəvi yarışlarımızı keçirməyi planlaşdırırıq". 
cia.az


Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.