banner
banner

Sosİal

Lerikin Darvadibi kəndində vəziyyət getdikcə pisləşir

Lerikin Darvadibi kəndində vəziyyət getdikcə pisləşir
Lerikin Darvadibi kəndində yaşayan Vəliyevlər ailəsi son bir ayda kənddə sürətlənən torpaq sürüşməsi qarşısında çarəsiz qalıb. Ailənin başçısı Əvəz Vəliyevin sözlərinə görə, daxmanın ətrafında yerdə iri yarıqlar yaranıb.
 
İcra hakimiyyəti hələlik köçürməyə ehtiyac görmür:
 
“Ailədə 10 nəfərik, onsuz da uçuq, sökük daxmamız indi də torpaq sürüşməsinə məruz qalıb. Evdə gecələməyə qorxuruq. Nə edəcəyimizi bilmirik”.

“BAŞQA YERİM DƏ YOXDUR”
 
Ekologiya və Təbii Sərvətlər Nazirliyinin təmsilçiləri ailəyə bildiriblər ki, bu yarıqlar istənilən vaxt dərinləşə və ərazi çökə bilər. Əvəz Vəliyev:
 
“Güclü yağışlardan sonra evin ətrafında torpaqda yarıqlar əmələ gəldi, evin divarları çat verməyə başladı. Deyirlər, “bir gün evqarışıq yerin altına gedəcəksiz”. Başqa yerim də yoxdur ki, bu tifilləri yığım, başımı götürüm gedim”.
 
Əvəz Vəliyev bilmir gündə bir neçə dəfə ac gözləriylə ona baxan 8 uşağın qarnını doyursun, müalicələrinə pul axtarsın, yoxsa evin ətrafında hər gün dərinləşən yarıqların dərdini çəksin:
 
“Bu daxmada imkansızlıqdan iki uşağım gözlərimizin qarşısında keçinib. Çünki dərmanlarını almağa pulumuz olmayıb. İndi də səkkiz uşağım var, üçü epilepsiyadan əziyyət çəkir. Rəvadır ki, bu 8 uşaq torpaq sürüşməsinin altında qalsın? Heç kəsi maraqlandırmır, elə bil bu ölkənin vətəndaşı deyilik”.
 
“DURUM NƏZARƏTDƏDİR”
 
Darvadibi sakinləri hökumətdən təcili tədbirlər görülməsini tələb edirlər. Lerikin icra hakimiyyətindənsə deyirlər ki, kənddəki sürüşmə ilə bağlı xüsusi komissiya yaradılıb. Qurumdan bildirilib ki, Ekologiya və Təbii Sərvətlər Nazirliyinin təmsilçiləri kənddə olub, baxış keçirib, akt yazıblar. Sürüşmə olduğu deyilən ərazidə 5-6 ev var. Durum nəzarətdədir. Ciddi fəsad olmadığından hələlik köçürməyə ehtiyac yoxdur.
 
Bundan öncə Darvadibinin başqa sakini Elçin Ağayev AzadlıqRadiosu-na müraciət edərək torpaq sürüşməsi nəticəsində evinin divarlarında yarıqlar əmələ gəldiyini bildirib.
 
Son 5 ildə Lerikin Veri-Əliabadı, Molalan, Gürdəsər, Hamarmeşə, Soru və başqa kəndlərdə ciddi problemlər yaradıb. Hələ 2011-ci ildə həmin kəndlərdən evi sürüşmə ərazisinə düşən xeyli ailə köçürülüb.
cia.az


Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.