Aztəminatlı əhali üçün 2000-ə yaxın sosial mənzil tikiləcək
Ölkəmizdə 2000-ə yaxın sosial mənzilin tikintisi nəzərdə tutulur. Gələn il mayın 1-dək “Elektron hökumət” portalında “güzəştli mənzil” sistemi yaradılacaq.
Bu barədə Azərbaycan Respublikası Prezidenti yanında Mənzil İnşaatı Dövlət Agentliyinin direktoru Samir Nuriyev məlumat verib.
Onun sözlərinə görə, sistemdə güzəştlə veriləcək sənədlərin siyahısı və şərtləri yerləşdiriləcək. Bununla da, vətəndaşlar “Elektron hökumət” portalı vasitəsilə mənzilləri güzəştli və uzun müddətli ipoteka ilə əldə edə biləcəklər. Mənzil ipoteka krediti hesabına alındıqda, agent bankın verdiyi kreditin məbləği satış qiymətinin 90 faizini təşkil etməlidir.
“Qaydalara uyğun olaraq, əhalinin müəyyən aztəminatlı kateqoriyaları müəyyən edilib. Əsas güzəşt ondan ibarətdir ki, mənzillər tam təmirli olmaqla, orta bazar qiymətindən aşağı satılacaq. Mənzil inşaatı üçün artıq ilk torpaq sahəsi (11, 6 hektar) ayrılıb. Bununla əlaqədar Baş plan hazırlanıb, İşçi planın isə hazırlanması üzrə işlər başa çatır. Mənzillərin 1, 2 və 3 otaqlı olması planlaşdırılır”, – deyə S.Nuriyev bildirib.
Diqqətə çatdırılıb ki, güzəştli mənzillərə 3 il ərzində kirayə və ya icarəyə verilməsi, həmçinin özününküləşdirilməsi ilə bağlı məhdudiyyətlər tətbiq olunacaq.
Gələcəkdə paytaxtla yanaşı regionlarda da bu cür mənzillərin tikintisi nəzərdə tutulur.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.