banner
banner

Sosİal

Qarabağ döyüşcüsü əlillik vəsiqəsi ala bilmir - VİDEO

Qarabağ döyüşcüsü əlillik vəsiqəsi ala bilmir

Sumqayıt şəhəri, 12 mikrorayon, ev 20, mənzil 57 ünvanında yaşayan Ədalət Abbasov, əlillik vəsiqəsi ala bilməməsindən şikayət edir. Deyir ki, 1992-ci ildən 94-cü ilə kimi Qarabağ uğrunda gedən döyüşlərdə iştirak etmişəm. Bir neçə dəfə yaralansam da hərbi hospitalda müalicə aldıqdan sonra yenidən döyüşlərə qayıtmışam. Bədənində 12 qəlpə yarası var. Onlardan da ikisi döş qəfəsində olduğundan təngənəfəslikdən əziyyət çəkir.

Həkimlər apardıqları müayinələr zamanı ona bu qəlpələrin çıxarılmasının mükünsüz olduğunu bildiriblər. Müsahibimin sözlərinə görə, uzun illərdir səhhəti imkan vermir işləməyə. 2-3 saat hərəkətdə olan kimi də halı pişləşir. İndi deyir ki, vəziyyətim günü-gündən çətinləşir. Əlillik dərəcəsini ala bilmədiyim üçün mənə müavinat vermirlər ki, ailəmi dolandıra bilim.

“Məsələ ilə bağlı Müdafiə Nazırliyinə, Hərbi və Baş prokurora məktub yazmışam. Və onlardan cavab məktubu da gəlib, təsdiq olunan sənədlərlə birlikdə. Bütün məktublar Əmək və Əhalinin Sosial Müdafiəsi Nazirliyilə göndərilib. Onlara hər şeyi olduğu kimi izah etmişəm. Mənə bildirirlər ki, get 3-4 aydan sonra gəl” – deyə şikayətçi Ədalət Abbasov bildirib.

Məsələ ilə bağlı ANS əməkdaşları Əmək və Əhalinin Sosial Müdafiəsi Nazirliyilə əlaqə saxlayıb. Qurumdan bildirdilər ki, vətəndaşın müraciəti əsasında o, tibbi-ekspert komissiyasında müayinədən keçirilib. Əldə edilən nəticələrə görə onda əlillik əlaməti müəyyən edilməyib. Ona görə də vətəndaşa əlillik dərəcəsi təyin edilməyib.

“İndiki vaxta ola bilər ki, onun vəziyyətində hər hansi bir dəyişiklik olur. Mən ondan xahiş edirəm Ədalət Abbasovdan. Hazırkı durumu əks etdirən göndəriş alsın - 88 nömrəli forma yaşayış yerindən alsın və müvafiq olaraq 12 nömrəli tibbi-sosial ekspert komissiyasına təqdim etsin. Təkrar müayinəsini təşkil olunaca. Əgər hər hansı bir dəyişiklik varsa, yəqin ki, onun əlillik dərəcəsinin təyin olunması məsələsinə təkrar baxılıb müvafiq qərar qəbul ediləcək” – deyə Əlillərin sosial müdafiəsi siyasəti şöbəsinin müdiri Saday Abdullayev vurğulayıb.

Ümid edirik ki, vətəndaşın problemi tezliklə öz həllini tapar.



Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.