banner
banner

Gündəm

Rəqabət Məcəlləsinin qəbuluna kimlər mane olur...

Rəqabət Məcəlləsinin qəbuluna kimlər mane olur...

“Azərbaycanda islahatların dərinləşdirilməsi üçün zəruri olan hüquqi bazalardan biri də Rəqabət Məcəlləsidir”. 

Bunu Modern.az-a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Əli Məsimli deyib.

Deputat bildirib ki, Rəqabət Məcəlləsi parlamentin iki oxunuşundan keçib.

“Daha sonra müəyyən səbəblərə görə təkmilləşdirilməsi lazım oldu. Amma hələ də həmin məcəllə təkmilləşdirilib parlamentə qaytarılmayıb. Bu məcəllənin qəbul edilməsi üçün aidiyyatı qurumlar gərək prosesi sürətləndirsin. Əgər onlar təkmilləşdirilmə üçün bu sənədi götürüblərsə, məqbul hesab olunan zaman artıq bitib, qaytarsınlar. Yaxşı olar ki, 2017-ci ilin payız sessiyasında bu məcəllə parlamentə daxil olsun”. 

Əli Məsimli qeyd edib ki, hazırda Rəqabət Məcəlləsinin üzərində iş aparılır. 

“Hansısa nüansla bağlı bu sənədin qəbulu gecikir. Amma mən gecikməyə haqq qazandırmaq istəmirəm. Çünki təkmilləşdirilmə üçün zaman həddindən artıq çox keçib. Bu məsələni ən azı üç ay ərzində həll etmək olar”.


Qeyd edək ki, Rəqabət Məcəlləsi 2006-cı ildə prezident tərəfindən Milli Məclisə təqdim edilib. Bu qanun layihəsi  iki oxunuşdan keçsə də, hələ ki 3-cü oxunuşa təqdim edilməyib. Artıq 1 ildir ki, onun qəbulu gecikir.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.