Bakı Ağ Şəhər bulvarı ərazisində Xəzər dənizində uzun illər istifadəyə yararsız halda qalmış gəminin demontaj edilərək çıxarılması prosesi davam etdirilir.
Bu barədə Trend-ə Xəzər Dəniz Gəmiçiliyi Qapalı Səhmdar Cəmiyyətinin (QSC) mətbuat xidmətindən məlumat verilib.
Məlumatda bildirilir ki, gəmi sovet dövründən Xəzər dənizində istifadəyə yararsız vəziyyətdə qalıb:
"Gəmi Xəzər Dəniz Gəmiçiliyinin balansına verilməyib. Gəminin demontaj edilməsi işləri bizim tərəfimizdən aparılmır".
Qeyd edək ki, sözügedən istifadəsiz gəmi uzun illərdir ki, Xəzər dənizinin Ağ Şəhər ərazisindəki hissəsində qalıb. Son vaxtlar isə gəminin hissələrə bölünərək dənizdən çıxarılması işlərinə başlanılıb.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.