banner
banner

Şou

Azərbaycanda bu adlar uşaqlara ilk dəfə qoyulur

Azərbaycanda bu adlar uşaqlara ilk dəfə qoyulur

"Son dövrlərdə Azərbaycanda uşaqlara qoyulan adların siyahısına daxil olan adların çoxu türk mənşəlidir".
 CIA.az xəbər verir ki, bunu modern.az saytına Azərbaycan Milli Elmlər Akademiyası (AMEA) Terminologiya Komissiyasının sədr müavini Sayalı Sadıqova deyib. Onun sözlərinə görə, son zamanlar siyahıya çoxlu sayda yeni adlar daxil edilib: 

“Bilirsiniz ki, ad yaradıcılığı daim inkişafdadır. Artıq valideynlər də axtarışdadır və yeni adlar kəşf etmək istəyirlər. Son zamanlar həm qız, həm də oğlan adlarında valideynlər daha çox türk mənşəli adlara üstünlük verir. Valideynlər qız övladlarına yeni adlardan daha çox İşılay, Gültən, Aylin, Ayla, Betül, Betülə, Aysu, Dəniz, Damla, Dəfnə, Dəfinə Dünya, Yağmur, Nihal, Səmral, Binnurə, Aybikə kimi adlar qoyurlar.
 
Oğlanlarda isə Tüqan, Alpər, Tuqay, Ərturan, Turab, Ümman, Ünalp kimi adlara üstünlük verilir. Alpər , Dəfinə, Tüqan, Tuqay kimi adlar bizdə ilk dəfə istifadə edilən adlardır. İşılay adı indiyə kimi qoyulmayıb. Müşahidələrimə əsasən deyə bilərəm ki, son dövrlər uşaqlara qoyulan adların çoxu türk mənşəlidir. Təbii ki, istisnalar var”.
 
Sədr müavini qeyd edib ki, övladına xarici adlar qoymaq üçün müraciət edənlər olmayıb:
 
“Müəyyən adlar var ki, valideynlər onu yaşatmaq istəyir. Əgər valideynin şəcərəsində bu adlar varsa, biz onun qarşısını ala bilmərik. Ancaq müəyyən adlar var ki, Avropa adları olsa da ortaqdır. 

Məsələn, Məryəm, Elton adı həm Avropada, həm də bizdə var. Ancaq sırf yeni ingilis, alman və ya başqa xalqların adını övladına qoymaq istəyən yoxdur.Son dövrlər bununla bağlı müraciətlər də olmayıb. Tutaq ki, valideyn övladına İvan adı qoymaq istəyir. O, nəzərə almalıdır ki, hər bir xalqın öz ad sistemi var. 

Xalqın kimliyi adlardan bilinir. Düzdür, bəzi müracitələrdə valideynlərin istəyi nəzərə alınır. Amma adların qoyulması ictimai hadisədir. Adlarda daha çox xalqın milliyi, kimliyi öz əksini tapdığına görə bu, önəmli prosesdir. Sevindirici haldır ki, artıq xalq öz kimliyini dərk edib və daha çox türk mənşəli adların qoyulmasına üstünlük verir”.

cIA/AZ



Daha tez məlumatlanmaq üçün Facebook səhifəmizi




Oxşar xəbərlər

"Kurtlar Vadisi" sevənlərə şad xəbər - Əfsanə geri dönür!

Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.

30 illik küsülülük bitdi

Təranə Qumral Əməkdar artist Könül Kərimova ilə 30 illik küsülülüyə necə son qoyduqlarını danışıb.

“Vəfa Şərifovanı polis saxlayıb” iddiasına müğənnidən GECƏ CAVABI

Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.