banner
banner

Gündəm

Füzuli İcra Hakimiyyəti Zəhranın valideynlərini aldatmayıb – RƏSMİ AÇIQLAMA

Füzuli İcra Hakimiyyəti Zəhranın valideynlərini aldatmayıb

Ermənistan ordusunun təxribatı nəticəsində şəhid olan 18 aylıq Zəhranın ailəsi Füzuli Rayon İcra Hakimiyyətinin rəhbərliyi tərəfindən aldadılması xəbəri yayılıb.

Xəbərə görə,  rayon icra hakimiyyətinin “Ərazi idarəetmə və yerli özünüidarəetmə orqanları ilə iş” şöbəsinin müdiri Qənimət Əliyev Zəhranın anasının savadsızlığından istifadə edərək, ərizəyə qol çəkdirib.

Bu barədə, Zəhranın valideynləri tərəfindən Prezidentə  məktub ünvanlanıb. Həmin ərizədə guya ailənin onlara təklif olunan ev və digər məsələlərdən imtina etdiyi qeyd olunur.

Modern.az saytı Füzuli rayon İcra Hakimiyyəti ilə əlaqə saxlayıb. Füzuli rayon İrca Hakimiyyətinin mətbuat məsələləri üzrə şöbə müdiri BayramNiftəliyev məsələnin doğru olmadığını bildirib.

“İmtina ərizəsinin yazılıb qol çəkilməsi məsələsi doğru deyil. Qənimət Əliyev bunu niyə etməlidir ki! Zəhranın ailəsinə ev təklif olunmayıb. Əgər təklif olunub ev verilirsə, Füzuli rayon İcra Hakimiyyəti niyə belə iş görsün ki! Veriləcək evdən Zəhranın ata-anası  niyə imtina etməlidirlər ki! Ev veriləcəksə, veriləcək. Məsələ tamam başqadır.

Bir ictimai birlik var. Quliyevlər ailəsinin  adından ev almaq üçün müraciət ünvanlayıb. Qənimət Əliyev də Zəhranın ailəsi ilə görüşüb. Sadəcə, onlar izahat veriblər ki, həmin ərizənin yazılmasından xəbərləri yoxdur”.

İcra nümayəndəsi belə bir halın ortaya atılmasına çox üzüldüklərini deyib.

“Zəhra və nənəsinin başına gətirilən məsələ təkcə Quliyevlərin dərdi olmadı, hər bir azərbaycanlı bu faciədən sarsıldı. Bütün dövlət qurumları Zəhranın ailəsinə baş çəkdi, onların dərdini bölüşdü. Zəhranın 40-ı yeni çıxıb. Ailənin acısı hələ də davam edir. Onların adından bu cür yanlış informasiyaların yayılmasına çox üzülürük. Onların Alıxanlı kəndində evləri var”. 

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.