banner
banner

Gündəm

“Hacı Qalib yenə ağlına gələni danışır” - Deputat sabiq həmkarını yalançı adlandırdı

“Hacı Qalib yenə ağlına gələni danışır” -

Milli Məclisin sabiq deputatı, Qafqaz Müsəlmanları İdarəsinin (QMİ) sədri şeyxülislam Allahşükür Paşazadənin qudası Qalib Salahzadənin oğlu Əlihüseyn Salahzadə həbs edilib. Hacı Qalib oğlunun həbsinin arxasında Baş prokuror Zakir Qaralovun dayandığını və bunu aralarındakı düşmənçiliklə əlaqəli olduğunu bildirib.

Milli Məclisin Hüquq siyasəti və dövlət quruculuğu komitəsinin üzvüi Çingiz Qənizadə məsələ ilə bağlı Modern.az-a danışıb. O bildirib ki, Qalib Salahzadənin açıqlamaları inandırıcı deyil:

“Hacı  Qalib yenə  öz ampluasındadır. Yenə də ağlına gələni dərhal dilinə gətirir və müəyyən ifadələr işlədir. Xüsusilə oğlunun həbsi və Baş prokurorla bağlı açıqlaması hesab edirəm ki, normal oxucu tərəfindən ciddi qəbul edilə bilməz. Ölkənin Baş prokuroru ilə onun düşmənçilik aparması arasında çox böyük məsafə var. Yəni kiçik adamla baş prokurorun hansı ədavəti və düşmənçiliyi ola bilər?. Bu, inandırıcı deyil. Zakir Qaralovun Sabunçu rayon prokuroru işləyən zaman Bilgəhdə zəfəran torpaqlarını qeyri-qanuni yolla zəbt etmək iddiası ilə bağlı iddiaya gəldikdə, fürsətdən istifadə edib qurumlara müraciət etmək istəyirəm. Parlamentin Hüquq siyasəti və dövlət quruculuğu komitəsinin üzvü kimi Baş prokurorluq və digər qurumlara müraciət  edərdim ki, zəfəran kolxozunun torpağının taleyini araşdırsınlar.


Hacı Qalib birinci dəfə deyil ki, belə fikirlər ifadə edir. Bu yaxınlarda şeyxin varisi ilə bağlı fikir ortaya atdı. Şeyxin oğlunun varisi olması məsələsini gündəmə gətirdi. Hamı bilir ki, şeyxin oğlu savadlı gəncdir və dini fəaliyyətlə məşğul deyil, varis ola bilməz. Beləliklə şeyxi zərbə altında qoymuş oldu. Parlamentdə olanda cəmi bir-iki dəfə çıxış edib. Ən böyük qüsurlarından biri də bələdiyyə seçkiləri zamanı idi. Hələ seçkilərə bir neçə ay qalmış, guya bələdiyyə sədrlərinin təyin olunduğu barədə fikirlər səsləndirməsi, ölkənin seçki sistemini şübhə altına alan sözlər söyləməsi heç bir məntiqə sığmırdı”.

Ç.Qənizadə qeyd edib ki, Qalib Salahzadənin açıqlamaları əslində özünə qarşı yönəlib:

“Eyni zamanda, hacı Qalibin  500 nəfəri Həcc ziyarətinə göndərməsi ilə əlaqəli fikirlərinin də şahidi olduq. O zaman da bunun gülünc açıqlama olduğunu bildirdim. O qədər insanın Həccə göndərilməsi yüklü məbləğ tələb edir. Bunun əvəzinə ona ali məktəblərə qəbul olunan, lakin təhsil haqqını ödəyə bilməyən gənclərə kömək göstərməsini təklif etdim. Bu cür sərsəm açıqlamalar həmişə olub.

Hacı Qalibin bu ifadələri və Baş prokurorluğa qarşı ünvanlanan ifadələr hesab edirəm ki, əksinə, özünə qarşı yönələn ifadələrdir. Oxucu digər fikirlər kimi, bunları da ciddi saymayacaq. Zakir Qaralov indiyə qədər adı hansısa neqativ məsələlərdə hallanmayan dövlət məmurlarından biridir. Onun rəhbərlik etdiyi dövrdə prokurorluqda əsaslı dönüş yaradılıb. Yəni kadrların yerləşdirilməsindən tutmuş istintaqın kefiyyətinə qədər bütün sahələrdə bir dönüş müşahidə edilib. Prokurorluq orqanlarının əməkdaşlarının davranışı, onların  qanunun aliliyinə hörməti heç də digər orqanlardan  geri qalmır. Hesab edirəm ki, hacı Qalibin bu cür açıqlamaları olub və olacaq. Sadəcə görünür, həmişə cəzasız qaldığına görə hər dəfə yeni ampluada öz fikirlərini ifadə  etməyə çalışır. Prokurorluq orqanları həbs qərarı seçməklə  döyülmüş Azərbaycan vətəndaşının hüquqlarını qorumuş olub”.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.