banner
banner

Gündəm

QMİ: Məhərrəm və Səfər aylarında toy qadağan deyil

QMİ: Məhərrəm və Səfər aylarında toy qadağan deyil

"Məhərrəm və Səfər aylarında toy və digər şadyanalıq məclislərinin qurulması tam qadağan, ya da məcburi deyil. Şadyanalıqdan imtina insanların imama olan eşqindən irəli gəlir".

Bu barədə "Report"a Qafqaz Müsəlmanları İdarəsinin (QMİ) Fətva və Moizə şöbəsinin mütəxəssisi Ağasəid Yaqubov bildirib.

Şəriətdə halal və haram terminlərinin olduğunu xatırladan QMİ rəsmisi müstəhəb (bəyənilən əməl) və məkruh (bəyənilməyən əməl) əməllər olduğunu da yada salıb: "Bir insanın yaxını rəhmətə gedəndə şadlığa qapanmır. Həmin insan şadlıq mərasimlərindən uzaqlaşır. İmam da İslam aləmi üçün əziz insandır. İslam şəriətində imam insana doğmasından da əzizdir. Hədisi-şərifdə göstərilir ki, imamı tanımadan dünyadan köçən kafir olaraq gedər. İmam üçün kədərlənmək, onun xatirəsini əziz tutmaq ona ehtiramdır. Onun ehtiramı naminə şadlıq mərasimlərinə bir az ara verilir. Yenə də deyirəm ki, bu, şəriətimizdə vacib hökmlərdən deyil".

A.Yaqubov imam Hüseynin (ə) İslam üçün çox böyük addım atdığını, ona qədər o formada İslam üçün addım atanların sayının az olduğunu vurğulayıb: "İmam Hüseyn peyğəmbərin ailəsindədir, onun tərbiyəsi ilə böyüyüb. Biz imam Hüseynin İslam üçün atdığı böyük addımı hansı formada olursa-olsun dəyərləndirməliyik. Onun xatirəsini əziz saxlamaq üçün şadlığımızdan əl götürürük. Bu, bir tarixi yaddaş kimi beynimizdə, qanımızda həkk olunub. Allahı, haqqı xatırladan məqamları şüar edənlər təqva əhlindəndir. Bizim imam üçün şadlıqlarıdan imtina edməyimiz, onun xatirəsi üçün görülən işlər də şüardır. İnsanlar məscidlərə gedir, imam Hüseynin xatirəsi yad olunur. İmam Hüseyn üçün məclislər qurulur. Azərbaycanın dahi insanları da tarixən imam Hüseyn üçün həzin mərsiyə və şeirlər deyiblər. Məhəmməd Füzuli, İmaməddin Nəsimi, Mirzə Ələkbər Sabir kimi böyük şəxsiyyətlər bu matəmdən bəhs ediblər. Belə bir kədərin, hüznün yaşandığı ayda toy mərasimlərinin qurulması insanların içindən gəlmir".

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.