banner
banner

Gündəm

İran-İraq sərhədindəki güclü zəlzələ Azərbaycanda da hiss olunub - Ölü sayı artır - FOTOLAR, YENİLƏNİR

İran-İraq sərhədindəki güclü zəlzələ Azərbaycanda da hiss olunub

İran-İraq sərhədində baş verən güclü zəlzələ cənub bölgəsində hiss olunub.

APA-nın cənub bürosunun verdiyi məlumata görə, zəlzələ 22:23-də qeydə alınıb. Zəlzələ əsasən Lənkəran və Astara rayonları ərazisində təqribən 4 bal gündə hiss olunub.

Dağıntı və təlafat barədə məlumat yoxdur. Yeraltı təkanlar təxminən 45 saniyə davam edib.

***

İran-İraq sərhədində 7,6 bal gücündə zəlzələ baş verib.

APA-nın xəbərinə görə, bu barədə Avropa Aralıq dənizi Seysmoloji Xidmətinin məlumatında bildirilir.

Yeraltı təkanların episentri İraqın Süleymaniyyə şəhərindən 85 km, İranın Sərpol Zəhab şəhərindən 47 km aralıda, ocağı 10 km dərinlikdə yerləşib.

Dağıntı və zərərçəkənlər barədə məlumat daxil olmayıb.

***

İranın Kirmanşah şəhərində baş verən zəlzələnin böyük dağıntılara səbəb olduğu barədə məlumat yayılıb. Sosial şəbəkə istifadəçiləri dağıntıya aid fotolar paylaşıblar.

Zəlzələ, dağıntı və tələfatla bağlı hələlik rəsmi açıqlama verilməyib.

***

ABŞ Geoloji Araşdırmalar Mərkəzi İraqdakı zəlzələnin 7,2 bal gücündə olduğunu, episentrinin Hələbçənin 32 km cənub-qərbinə, 33,9 km dərinliyə düşdüyünü açıqlayıb.

Zəlzələ Türkiyədə də hiss edilib. Zəlzələnin İranda böyük dağıntılara və təlafata səbəb olduğu haqda ilkin məlumat verilib. Sosial şəbəkədə Qəsrşirin şəhərində 2 nəfərin öldüyü bildirilir. Yaxın Şərqi bürüyən və bir-birinin ardınca baş verən zəlzələlərin xəritəsi də yayılıb. Ən güclü və ardıcıl təkanların qeydə alındığı ərazilər qırmızı rənglə işarələnib.

 ***

Musavat.com xəbər verir ki, zəlzələ İraq, İran, Azərbaycan, Küveyt, Türkiyə, Suriya və BƏƏ-də hiss edilib. İraqın Süleymaniyyə şəhərinin 8 kəndində dağıntı baş verib. İran televiziyası isə zəlzələ nəticəsində İranda 6 nəfərin öldüyünü və yaralıların olduğunu açıqlayıb.

***

Son məlumata əsasən, İraqın Ərbil şəhərində 2 nəfər ölüb, 50 nəfər isə yaralanıb.

***

Türkiyə Səhiyyə Nazirliyi İraqdan gələcək tələbə qarşı hazırlıqlı olduqlarını açıqlayıb. Nazirlik sərhəd şəhərlərdəki xəstəxanalara təcili yardıma hazır olmaları barədə xəbərdarlıq edib. Nazirlikdən bildirilib ki, türk həkimlər istər xəstəxanalara gələn yaralılara müdaxilə etmək, istərsə də xilasetmə üçün hadisə yerinə getməyə hazırdırlar.

***

Verilən məlumata görə, İranda 6, İraqda isə 4 nəfər ölüb. 225 nəfərin yaralandığı bildirilir.

***

Yaralılar xəstəxanaya aparılıb. İranın Kermanşah şəhərində bir çox evə elektrik enerjisinin verilməsi dayandırılıb. Şəhər məktəblərində tətil elan olunub.

 

 

 

5a089e04d3806c4de84146da.jpg (54 KB)

       

  

 

 


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.