banner
banner

Gündəm

Hicran Hüseynova Səfər İmanovun tapılmasına mane olur? - 170 min dollarlıq QALMAQAL DAVAM EDİR

Hicran Hüseynova Səfər İmanovun tapılmasına mane olur?

2016-cı ildə Ailə, Qadın və Uşaq Problemləri üzrə Dövlət Komitəsinin (AQUPDK) sabiq Aparat rəhbəri Səfər İmanov tərəfindən 170 min dollarının mənimsənildiyini iddia edən Eynur Kərimov Modern.az-a yeni faktlar açıqlayıb.

Bu barədə Modern.az-a danışan E.Kərimov hazırda axtarışda olan S.İmanovun Komitə sədri Hicran Hüseynova ilə əlaqədə olduğunu bildirib:


“Məndə olan məlumata görə, Səfər İmanovun Hicran Hüseynova ilə yüksək səviyyədə əlaqələri var. Onlar mütəmadi telefonla da danışırlar. Səfər İmanovun tapılaraq, Azərbaycana gətirilməsini Hicran Hüseynova istəmir. Burada tək mənim məsələm yoxdur, mətbuatda adı hallanan mənəm. Mənim kimi çox sayda insanlar var ki, bu şəkildə aldadılıb.

Hazırda İnterpol-un axtarışlarını gözləyirik. Yalnız o tapıldıqdan sonra proses davam etdirilə bilər. Çünki buradakılar bütün məsələləri üzərindən atırlar. Hüquq-mühafizə orqanlarının gəldiyi nəticə bundan ibarətdir”.

 

Hazırda özəl  sektorda çalışan E.Kərimov bildirib ki, H.Hüseynova ona geri çəkilməsi üçün hər hansı təzyiq etmir:

“Heç bir təzyiq göstərilmir, heç göstərə də bilməz. Hicran Hüseynova komitə sədri olsa da, hüququ dərindən bilmir. 170 min dolları özüm qazanmışdım, kredit, borc deyildi. Hər halda Səfər İmanovun tapılaraq, Azərbaycana gətirilməsini gözləyirik”.

Modern.az saytı Elnur Kərimovun budəfəki iddiaları ilə bağlı Ailə, Qadın və Uşaq Problemləri üzrə Dövlət Komitəsi ilə əlaqə saxlasa da , qurum münasibət bildirmək istəməyib.

Qeyd edək ki, S.İmanov 1 noyabr 2015-ci ildə AQUPDK-nun Aparat rəhbəri vəzifəsindən azad edilib. Onun vətəndaş Eynur Kərimovdan 170 min ABŞ dolları aldığı, həmin şəxsə bu vəsait müqabilində rayon icra başçısının müavini vəzifəsinə təyinat vəd etdiyi bildirilir.

Xatırladaq ki, Komitənin mətbuat xidmətinin 2016-cı il fevralın 17-də yaydığı məlumata görə, sabiq Aparat rəhbəri Səfər İmanov komitədə işdən ayrıldıqdan bir neçə ay sonra 170 min dollarının mənimsənilməsini iddia edən Kərimov Eynur adlı şəxs komitəyə müraciət edib: “Həmin vətəndaşın dediyinə görə, o, 4 il əvvəl Səfər İmanova pul vəsaiti təqdim edib. Eyni zamanda, rəqəmlər şəxs tərəfindən dəyişdirilərək hər dəfə fərqli ifadə edilib və bu 4 il müddətində həmin şəxs Səfər İmanovla yaxın əlaqədə olub. Burdan sual ortaya çıxır ki, niyə bu 4 il ərzində həmin vətəndaş tərəfindən rəsmi şəkildə komitəyə və digər hüquq-mühafizə orqanlarına müraciətlər edilməmişdir?! Biz məsuliyyətlə qeyd edirik ki, həmin şəxslə komitə sədri xanım Hicran Hüseynovanın işlə təmin edilməsi və hər hansı pul vəsaitinin verilməsi ilə bağlı heç bir əlaqəsi və danışıqlar olmayıb. Qeyd etmək istərdik ki, dövlət komitəsinin sədri xanım Hicran Hüseynova kimisə vəzifəyə təyin etmək üçün inzibati və rəsmi səlahiyyətlərə malik deyil. Onu da əlavə edək ki, bir sıra kütləvi informasiya vasitələrində Səfər İmanovun xanım Hicran Hüseynovanın dayısı oğlu olması ilə bağlı məlumatlar yer alıb və biz bunu təkzib edərək nəzərinizə çatdırmaq istərdik ki, bu məlumat yanlışdır”.

 

Baş Prokurorluğun mətbuat xidmətinin yaydığı məlumata görə, Ailə, Qadın və Uşaq Problemləri üzrə Dövlət Komitəsinin sabiq aparat rəhbəri Səfər İmanovun 2012-ci ildə vəzifə səlahiyyətlərindən sui-istifadə edərək vətəndaş Eynur Kərimovu məsul vəzifəyə təyin etdirəcəyi vədi ilə aldadaraq 170 min ABŞ dolları məbləğində pulunu ələ keçirməsində şübhələr üçün əsaslar olduğundan fakta görə Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə) və 308.2-ci (vəzifə səlahiyyətlərindən sui-istifadə) maddələri ilə cinayət işi başlanıb.

Səfər İmanov ölkəsən qaçdığına görə İnterpol xəttilə beynəlxalq axtarışa verilib. 



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.