Dünya şöhrətli super model Naomi Kempbell yeni münasibətə başlayıb. 47 yaşlı model 35 yaşlı reper Skepta ilə görüşür. Cütlüyə yaxın mənbə bildirib ki, onlar klublardan birində dostlarla görüş zamanı tanış olublar. Oktyabrdan görüşdüyü deyilən cütlük hələ ki, münasibətini gizli saxlasa da, amma bir neçə dəfə bərabər görüntüləniblər. Xatırladaq ki, ötən ilin yayında Naominin adı 61 yaşlı misirli milyonçu Lui Kamilyeri hallanıb. Ondan əvvəl isə Kempbell 5 il rusiyalı milyarder Vladislav Doroninlə sevgili olub. Bundan başqa o, italyan sahibkar Flavio Briatore ilə də eşq yaşayıb.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.