Həftəsonu ölkə ərazisində müşahidə ediləm çovğunlu, şaxtalı hava şəraiti bir çox problemləri də özü ilə gətirdi. Qar rayonlarla yanaşı, Bakıda da ciddi fəsadlara yol açıb.
ANS PRESS-in məlumatına görə, ağaclar aşıb, binaların dam örtüyü uçub, elektrik naqillərində qırılmalar meydana gəldiyi üçün bir çox ərazi işıqsız qalıb.
Əhmədli qəsəbəsində avtomobilin üzərinə ağac aşıb. Sakinlərin ANS PRESS-ə verdiyi məlumata görə, küləyin gücündən ağaclar qırıldığı üçün əhali küçələrdən keçməyə ehtiyat edir. Xoşbəxtlikdən hadisə nəticəsində xəsarət alan olmayıb.
Neftçalada qar evlərlə yanaşı iaşə obyektlərinə də ziyan dəyib. Oxucuların verdiyi məlumata görə, kəndlərdə onlarla evin çardağı, talvarı, şadlıq sarayının dam örtükləri dağılıb. Bəzi kəndlər elektrik enerjisiz qalıb.
Dördlər kəndində eyni adlı şadlıq sarayının bir hissəsi dağılıb.
ANS PRESS oxucuların göndərdiyi fotoları təqdim edir:
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.