banner
banner

Sosİal

Yazda niyə halsız oluruq? – Həkim məsləhəti

Yazda niyə halsız oluruq? – Həkim məsləhəti

Qədimdən el arasında deyirlər ki, mart gəldi, dərd gəldi, mart çıxdı, dərd çıxdı. Qışın bitməsi, yazın gəlməsi ilə təbiət, ətraf oyandığı halda, havalar yaxşılaşdıqca insanlarda əksinə halsızlıq başlayır, xroniki xəstəliklər kəskinləşir, insanın gücü olmur, avitaminoz yüksəlir. Əslində, bunlar boşuna deyil. Qışdan çıxan orqanizm tükənir, “cığallıq edir”. Bu dövrdə mədə-bağırsaq, baş-beyin, qan-damar pozulmaları artır. İnsanlar daha çox təcili yardım çağırışları edir.

Medicina.az Yaz sindromunun səbəblərini aydınlaşdırmaq məqsədilə həkim terapevt Aqşin Salmamovdan mövzu ilə bağlı açıqlama alıb:

“İnsanın orqanizmi 4-5 ay payız-qış ayları müddətində yaydan ehtiyat halında topladığı vitamin və mineral ehtiyatını tükədib bitirir. Orqanizmdə hipo və avitamozlar yaranmağa başlayır. Qış yuxusundan oyanmaya bənzədilən bu keçid dövründə maddələr mübadiləsi intensivləşir, endokrin sistemdə və qanyaranmada aktivləşmə baş verir, bu da xroniki xəstəliyi olan insanlara təsirsiz ötüşmür.

Əsasən ürək-damar sistemində, həzm sistemində, allergik xəstələrdə kəskinləşmə olur. Bu aylarda miokard infarktı, insultlar artır. İqlim dəyişikliyi də bir tərəfdən meteohəssas insanlara mənfi təsir edir.

Bu günlərdə qidalanma və yuxu rejiminə ciddi əməl olunmalıdır. Təmiz havada, günəş altında çox gəzmək lazımdır. Bitki mənşəli qidalar, meyvə-tərəvəz bol istifadə olunmalıdır”.

Həkim orqanizmdə çatışmayan mikroelementlərin yoxlanmasını da məsləhət görür:

“Bəzən adi bir mikroelementin çatışmazlığı bizi uzunmüddətli xroniki yorğunluğa sürükləyə bilər. Məsələn: Ca, Na, Mg, Fe, V, D kimi mineral və vitaminlər normadan az olarsa, insan özünü zəif, halsız hiss edir. Ona görə qan analizi ilə bunlar yoxlanmalıdır. Çatışmazlıq aşkar olunduqda, müvafiq müalicə təyin olunmalıdır. Bəzən sadalanan mineralları qida ilə qəbul etməyimizə baxmayaraq, bağırsaqlarda sovrulma prosesi düzgün getmədiyindən qana kifayət qədər maddə daxil olmur. O zaman həzm traktında olan xroniki xəstəliklər nəzarətə alınmalıdır.

Qışdan yaza keçərkən insan səfərbər olub, düzgün rejim qurub, orqanizmi lazımı maddə, vitamin və enerji ilə təmin edə bilərsə, o zaman istənilən fəsildə gümrah və sağlam olacaq”

 


Daha tez məlumatlanmaq üçün Facebook səhifəmizi




Oxşar xəbərlər

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.

Qaz limiti ilə bağlı ŞAD XƏBƏR - Sərfiyyat minimuma enəcək

Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.