DİN-dən Trend-ə verilən məlumata görə, Sabunçu Rayon Polis İdarəsinin 42-ci Polis Bölməsinə müraciət edən Bakı şəhər sakini R.Səmədov aprelin 24-dən mayın 2-dək olan müddətdə Nardaran qəsəbəsindəki bağ evinin həyətindən 50 ədəd şam ağacının çıxarılaraq oğurlandığını bildirib.
Dərhal polis əməkdaşları əməliyyat-axtarış tədbirlərinə başlayıb və oğurluğu törətməkdə şübhəli bilinən şəxs qısa müddətdə müəyyən edilərək saxlanılıb.
Araşdırmalarla onun bağlarda fəhləliklə məşğul olan qəsəbə sakini Əziz Babayev olduğu müəyyən edilb. Oğurlayaraq satmaq üçün öz həyətinə gətirib əkdiyi həmin sayda şam ağacı polis əməkdaşları tərəfindən maddi sübut kimi götürülüb.
Ə.Babayev İnzibati Xətalar Məcəlləsinin müvafiq maddəsi ilə 30 sutka həbs edilib.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.