banner
banner

Sosİal

Bu il Azərbaycanda 306 nəfər İİV-ə yoluxub

Bu il Azərbaycanda 306 nəfər İİV-ə yoluxub

Bu ilin yanvar-iyun ayları ərzində Azərbaycanda 306 nəfər İİV-ə yeni yoluxub.

Səhiyyə Nazirliyindən Trend-ə verilən məlumata görə, onların 298-i (97,4%) Azərbaycan vətəndaşlarında, 8-i (2,6%) isə əcnəbilərdə aşkarlanıb.

Qeydiyyata alınmış 298 Azərbaycan vətəndaşının 193-ü (64,8%) kişi, 105-i (35,2%) qadındır. Bu dövr ərzində 74 nəfər Azərbaycan vətəndaşı QİÇS mərhələsinə keçib, İİV infeksiyasından 19 nəfər Azərbaycan vətəndaşı dünyasını dəyişib.

2018-ci ilin 6 ayı ərzində İİV-ə yoluxması təsdiq olunmuş Azərbaycan vətəndaşlarının 33-ü (11,1%) parenteral, 173-ü (58,1%) heteroseksual, 20-i (6,7%) homoseksual kontakt nəticəsində infeksiyaya yoluxub, 70 nəfərin (23,5%) yoluxma yolu müəyyənləşdirilməkdədir.

 

Ümumilikdə, Azərbaycanda ilk dəfə İİV infeksiyasının aşkar edilidiyi 1987-ci ildən 2018-ci ilin 6 ayının sonunadək Respublika QİÇS-lə Mübarizə Mərkəzində 5 937 İİV-lə yaşayan şəxs rəsmi qeydiyyatdadır. Onlardan 4 204-su (70,8%) kişi, 1 733-i (29,2%) qadındır. QİÇS mərhələsində olan vətəndaşların sayı 2 080 nəfər, İİV infeksiyasından dünyasını dəyişmiş vətəndaşların sayı isə 904 nəfər olub.

Respublika QİÇS-lə Mübarizə Mərkəzi tərəfindən qeydiyyata götürülənlərin 43,9%-də İİV-ə yoluxma inyeksion narkotik istifadəsi nəticəsində, 43,6%-də heteroseksual, 2,5%-də isə homoseksual kontakt nəticəsində, 1,7%-də anadan uşağa keçməklə, 8,3 -də yoluxma yolu müəyyən edilməyib.

Ailə Məcəlləsinə edilən dəyişikliklərlə əlaqədar nikaha daxil olmaq istəyən şəxslərin tibbi müayinəsi cərçivəsində bu ilin 6 ayı ərzində 64 786 şəxs İİV-ə görə müayinəyə cəlb olunub və 69 nəfərdə ilkin müsbət nəticə qeydə alınıb.



Daha tez məlumatlanmaq üçün Facebook səhifəmizi




Oxşar xəbərlər

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.

Qaz limiti ilə bağlı ŞAD XƏBƏR - Sərfiyyat minimuma enəcək

Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.