Azərbaycan dizeli hansı ölkələrə və neçəyə satıb? – Siyahı
Bu ilin yanvar-avqust ayları ərzində Azərbaycan xarici ölkələrdən 29 min 594 ton ağır distilyatlar və ya digər məqsədlər üçün qazoyllar (dizel yanacaqları) idxal edib.
Cia.az xəbər verir ki, idxal olunan dizel yanacağının 1 tonunun orta gömrük dəyəri 686 dollar və ya 1 litri 98 qəpik təşkil edib.
Məlumat üçün bildirək ki, dizel yanacağı Azərbaycana əsasən iki ölkədən – Rusiya və Türkmənistandan idxal edilib. Türkmənistandan 13 min 664 ton, Rusiyadan isə 15 min 875 ton dizel yanacağı gətirilib. Türkmənistandan idxal olunan dizel yanacağının 1 litri 77 qəpik, Rusiyadan idxal olunan dizelin 1 litri isə 1,16 manat olub.
Onu da qeyd edək ki, eyni dövrdə Azərbaycandan xarici ölkələrə 347 min 32 ton dizel yanacağı ixrac edilib. İxrac olunan dizelin 1 tonunun orta gömrük dəyəri 513 dollar və ya 1 litri 73 qəpik təşkil edib.
Azərbaycan dizel yanacağını aşağıdakı ölkələrə satıb:
Gürcüstan – 69 352 ton (1 litri 88 qəpik);
Türkiyə – 84 933 ton (1 litri 58 qəpik);
İtaliya – 13 860 ton (1 litri 37 qəpik);
Əfqanıstan – 65 821 ton (1 litri 88 qəpik);
Rumıniya – 30 132 ton (1 litri 80 qəpik);
Cəbəllütariq – 30 085 ton (1 litri 86 qəpik);
Malta – 20 071 ton (1 litri 74 qəpik);
Bolqarıstan – 11 431 ton (1 litri 84 qəpik);
Ukrayna – 16 769 ton (1 litri 82 qəpik);
Liviya – 1 361 ton (1 litri 61 qəpik);
Birləşmiş Ərəb Əmirlikləri – 3 034 ton (1 litri 83 qəpik);
"Comex” birjasında 2025-ci ilin dekabr ayı üçün qızıl fyuçerslərinin qiyməti bir troya unsiyası üçün 3 980 dolları keçərək bütün zamanların ən yüksək həddinə çatıb.
Mərkəzi Bank bir müddət əvvəl əhalinin kreditləşməsində risklərin azaldılması və maliyyə dayanıqlığının qorunması məqsədilə kredit limitlərinin məhdudlaşdırılması ilə bağlı qərar qəbul edib.
