Türkiyənin paytaxtı Ankarada keçirilmiş əməliyyat nəticəsində İŞİD terror təşkilatının 4 üzvü saxlanılıb.
Trend-in məlumatına görə, daha bir terrorçunun axtarışları davam etdirilir.
Əməliyyat zamanı bir sıra mənzillərdə axtarış aparılıb və həmin şəxslərin Suriyada qanunsuz birləşmələrin tərkibində iştirak etdiyini təsdiqləyən sənədlər və videomateriallar aşkar edilib.
Xatırladaq ki, bu ilin iyul ayında İstanbulda İŞİD-in 33 üzvü saxlanılmışdı.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.