Ukrayna prezidenti Petro Poroşenko Türkiyənin Antalya şəhərində öz ölkəsinin konsulluğunu açıb.
Trend-in məlumatına görə, açılış mərasimində çıxış edən Ukrayna prezidenti bildirib ki, bu il Türkiyəyə 1,2 milyondan artıq ukraynalı səfər edib: "Onlardan azı 800 mini məhz Antalyada olub. 30 mindən çox ukraynalı - yerli Ukrayna icmasıdır. Antalyada olan hər bir ukraynalı dövlətin qayğısını hiss etməlidir".
P.Poroşenko qeyd edib ki, insanlar Antalyaya yalnız istirahət etmək üçün gəlmir, bu şəhərdə çox sayda beynəlxalq sammitlər keçirilir: "Mən ümid edirəm ki, Ukraynanın Antalyada konsulluğunun olması bizim diplomatlarımıza bu proseslərdə fəal iştirak etməyə imkan verəcək".
Açılış mərasimi zamanı P.Poroşenko Ukrayna diasporu ilə görüşüb.
Qeyd edəkk ki, Ukrayna perzidenti 3-4 noyabr tarixlərində Türkiyədə rəsmi səfərdədir. Noyabrın 3-ü P.Poroşenko Türkiyə prezidenti Rəcəb Tayyib Ərdoğan ilə görüşüb.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.