Əhalinin problemlərinin yerində öyrənilməsi və həll edilməsi məqsədilə Tərtər rayon rəhbərliyinin İsmayılbəyli kəndində səyyar qəbul-görüşü keçirilib.
Hüquq-mühafizə, səhiyyə, təhsil, mədəniyyət, digər xidmət sahələri rəhbərləri, ərazi icra nümayəndələrinin də iştirak etdiyi görüşdə rayonunun sosial-iqtisadi inkişafı, əhalini narahat edən problemlərin həlli istiqamətində həyata keçirilən tədbirlərdən, infrastrukturun yaxşılaşdırılması istiqamətində görülən işlərdən danışılıb.
Kənd sakinlərindən Lətif Məmmədov, Vidadi Musayev, Niyaz Axundov, Əli Alışov, Nigar Əliyeva və başqaları əhalinin həyat şəraiti və bəzi problemlər barədə məlumat veriblər. Sakinlər rayonda gedən sosial-iqtisadi inkişafdan, rayon mərkəzi ilə yanaşı, kəndlərin də daim diqqət mərkəzində saxlanılmasından razılıqlarını ifadə ediblər. Novruz bayramı ərəfəsində uzun illər yanacaq sarıdan əziyyət çəkən İsmayılbəyli kəndinə təbii qaz verilməsi əhaliyə göstərilən diqqət və qayğının bariz numinəsi kimi qiymətləndirilib. Çıxışlarda, eyni zamanda kənddə yeni subartezian quyularının qazılmasına, orta məktəb binasının əsaslı təmirinə, köhnəlmiş elektrik dirəklərinin və naqillərinin yenisi ilə əvəzlənməsinə ehtiyac olduğu diqqətə çatdırılıb.
Rayon icra hakimiyyətinin başçısı Müstəqim Məmmədov görüşdə qaldırılan məsələlərin həlli üçün aidiyyəti qurumların rəhbərlərinə tapşırıqlar verib.//AzərTAc
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.
Vətəndaşlıq vəziyyəti aktlarının qeydiyyatı ilə bağlı təkrar şəhadətnamə və arayışların verilməsi zamanı bir sıra məhdudiyyətlər tətbiq olunur. Bəzi hallarda müraciət edən şəxslərə sənədin təkrar nüsxəsi deyil, yalnız müvafiq arayış təqdim edilir.
