“Neft Daşları”nda işləyən neftçilərin qidalanmasında müəyyən problemlər yaranıb.
Bu barədə virtualaz.org saytına Neftçilərin Hüquqlarını Müdafiə Təşkilatının rəhbəri Mirvari Qəhrəmanlı məlumat verib.
Hüquq müdafiəçisinin sözlərinə görə, rəhbərlik etdiyi təşkilata neftçilər tərəfindən şikayətlər daxil olub: “Müraciət edən neftçilər bildirirlər ki, “Neft Daşları”nın sosial şobəsinin rəisi və yeməkxananın müdiri onları məhz yeməkxanada qidalanmağa məcbur edirlər. İşçilərin otaqları axtarılır və evdən gətirilən yeməklərlə qidalanmağa icazə verilmir. Fəhlələr yeməkxanaya getməyə məcbur edilir. Yeməkxanada hazırlanan yeməklər isə keyfiyyətsizdir, istifadə edilən ətin mənşəyi bilinmir. İşçilər iddia edirlər ki, rəhbər vəzifəni tutan məmurlara ayrı-ayrı aşpazlar qulluq edirlər”.
M.Qəhrəmanlı bildirdi ki, zərərli işlərdə işləyənlərin xüsusi “qida rasionu” var. Bu siyahını Səhiyyə Nazirliyi də təsdiq edib. Yeməkxanada bu rasiona uyğun qidalar verilməlidir: “Bunu edə bilmədiklərinə görə “yemək pulu” işçilərin özünə verilməlidir. Amma işçilərə öz aldıqları ərzaqları yaşadıqları otaqda hazırlayıb yeməyə icazə verilmir. Bununla belə həmin qidalar “Neft Daşları”nın mağazasından alınarsa, otaqda yeyilə bilər. Buna görə də işçilərin şikayətləri araşdırılacaq”.
M.Qəhrəmanlı şikayətlərlə bağlı ARDNŞ-ə müraciət edib.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.
Vətəndaşlıq vəziyyəti aktlarının qeydiyyatı ilə bağlı təkrar şəhadətnamə və arayışların verilməsi zamanı bir sıra məhdudiyyətlər tətbiq olunur. Bəzi hallarda müraciət edən şəxslərə sənədin təkrar nüsxəsi deyil, yalnız müvafiq arayış təqdim edilir.
