banner
banner

Sağlamlıq

Həm bağırsağınız təmizlənəcək, həm arıqlayacaqsınız

Həm bağırsağınız təmizlənəcək, həm arıqlayacaqsınız

Bir çox xəstəliklərdən xilas olmaq üçün bağırsaqları təmizləmək kifayətdir.

70 il ömür müddətində bağırsaqlardan 100 ton qida və 40 min litr maye keçir. Nəticədə bağırsaqda qanı zəhərləyən və orqanizmə zərər verən 15 kq. nəcis daşları, zəhərli tullantılar toplanır.

Tez-tez baş verən qəbizlik halları, maddələr mübadiləsinin pozulması, görmə və eşitmə zəifliyi, şəkərli diabet, qaraciyər, allergiya, böyrəklərin, qaraciyərin xəstəliyi, saç dərisinin, dırnaqların kövrəkliyi, bir sözlə, artritdən tutmuş xərçəngə qədər bir çox xəstəliklər bağırsaqların çirklənməsinin göstəricisidir.

İmalə vasitəsilə yoğun bağırsağın yalnız kiçik bir hissəsini (40-50 sm) təmizlənmək mümkündür. Bağırsağın aparatlar vasitəsilə yuyulması isə bahalıdır və xeyli vaxt tələb edir. Ən əsası isə bu, bağırsağın mikroflorasını pozur.

Bu reseptlə 3 həftə ərzində bağırsağınızı təmizləyə bilərsiniz.

Kətan toxumunun unundan hazırlanan bu qarışıq yoğun və nazik bağırsağı parazitlərdən, çoxillik selik və nəcis daşlarından 3 həftə ərzində təmizləyəcək. Eyni zamanda, bağırsağın mikroflorası tam qorunur.

Diqqət! Bu metodika çəkinin qısa müddətdə normaya düşməsinə, yağlı çöküntülərin orqanizmdən xaric olmasına kömək edir.

Kətan toxumunun unu qanda xolesterinin səviyyəsini aşağı salır, şlakları orqanizmdən çıxarmağa qadirdir. Bu qarışıq parazitlər əleyhinə təsirə malikdir. Belə ki, göbələk, virus və helmintlərə öldürücü təsir göstərir. Həmçinin lipid mübadiləsinə müsbət təsir göstərir.

Tətbiqinə göstərişlər:

Yuxarı tənəffüs yollarının selikli qişaların iltihabi prosesləri;

Mədə-bağırsaq xəstəliklər;

Onikibarmaq bağırsağın yara xəstəliyi;

Qastritlər, kolitlər;

Sidik yollarının xəstəlikləri - pielit, sistit;

Köklük, lipid mübadiləsinin pozulması.

Gündəlik olaraq profilaktika məqsədi ilə də istifadə etmək olar.

İstifadə qaydası:

Bağırsağın təmizlənməsi prosedurası:

1-ci həftə:

1 desert qaşığı kətan toxumu unu + 100 qram xama və ya kefir

2-ci həftə:

2 desert qaşığı kətan toxumu unu + 100 qram xama və ya kefir

3-cü həftə:

3 desert qaşığı kətan toxumu unu + 150 q xama və ya kefir

Məlumdur ki, bizim ölkəmizdə kətan toxumunun ununu, yağını tapmaq bir az çətindir. Bu qidanı marketlərin əksəriyyətində tapmaq müşkül ola bilər.

Ona görə də kətan toxumunu alıb qəhvəüyüdəndə onu una çevirə bilərsiniz.

Bu qarışığı səhər yeməyi əvəzinə qəbul edin. Yoğun və nazik bağırsaqlarınız təmizlənəcək, bağırsağın mikroflorası tam qorunur. Xamanı istənilən süd məhsulu qatıqla da əvəzləmək olar. Bağırsaqların təmizlənməsi müddətində gün ərzində 2 litr su içmək mütləqdir.



Daha tez məlumatlanmaq üçün Facebook səhifəmizi




Oxşar xəbərlər

Soyuq duş alın, görün nə baş verəcək

Mütəmadi olaraq soyuq duş qəbul etmək insanın fiziki və psixoloji vəziyyətini yaxşılaşdıra, xəstəliyə görə işə çıxmadığı günlərin sayını azalda bilər.

Qarın piylərindən xilas olmaq üçün 5 ərzaqlı resept

Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.

Armudun bilmədiyimiz faydaları

Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.