Bu gecə saat 1:30-da zəvvarların ilk qrupu yola düşəcək.
Bu barədə Qafqaz Müsəlmanları İdarəsinin xarici əlaqələr şöbəsinin müdiri Müqəddəs Payızov ANS PRESS-ə açıqlamasında bildirib. Müqəddəs Payızovun sözlərinə görə, ilk mərhələdə 375 zəvvar Həcc ziyarətinə yola düşəcək.
Qruplar artıq müəyyənləşdirilib və hər qrupda 40-42 nəfər olacaq. Ümumilikdə isə bu il Həcc ziyarətinə 3600 nəfər gedəcək. Zəvvarların Səudiyyə Ərəbistanında qarşılanmaları və orada qalmaları üçün bütün işlər tamamlanıb.
Zəvvarları qrup rəhbərləri və həkim briqadası müşayiət edəcək. Səfər təxminən 4 saat çəkəcək.
Şöbə müdiri bir daha xatırladıb ki, son bir necə ildə olduğu kimi səfərlər yalnız təyyarə ilə baş tutacaq. Belə ki, İraq və Suriyadakı hadisələrlə əlaqədar avtobuslarla səfərlər olmayacaq.
Xatırladaq ki, bu il Həcc ziyarətinə gediş reysləri sentyabrın 23-28-nə, qayıdış isə oktyabrın 11-15-nə planlaşdırılır. Oktyabrın 3-ü zəvvarlar Ərəfat dağına çıxacaq, 4-ü isə şeytana daş atma mərasimi keçiriləcək.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.
Vətəndaşlıq vəziyyəti aktlarının qeydiyyatı ilə bağlı təkrar şəhadətnamə və arayışların verilməsi zamanı bir sıra məhdudiyyətlər tətbiq olunur. Bəzi hallarda müraciət edən şəxslərə sənədin təkrar nüsxəsi deyil, yalnız müvafiq arayış təqdim edilir.
