banner
banner

Gündəm

Müvəkkilin nümayəndələri “Gender zorakılığı - cəmiyyətimizin faciəsi” adlı layihənin növbəti tədbirində iştirak ediblər

Müvəkkilin nümayəndələri “Gender zorakılığı

Sabunçu Rayon İcra Hakimiyyətinin təşəbbüsü ilə bu rayonun 311 nömrəli tam orta məktəbində “Gender zorakılığı - cəmiyyətimizin faciəsi” adlı layihənin növbəti tədbiri keçirilib.

Trend-in məlumatına görə, tədbirdə Sabunçu Rayon İcra Hakimiyyəti başçısının müavini, Gender zorakılığı və uşaqlara qarşı zorakılıq üzrə monitorinq qrupunun rəhbəri Rəna Fərəcova, Azərbaycan Respublikası İnsan Hüquqları üzrə Müvəkkilinin (Ombudsmanın) nümayəndələri Lamiyə Zeynalova və Dilşad İsmayılova, həmçinin Sabunçu Rayon Gənclər və İdman İdarəsinin rəisi, həmin rayonda yerləşən bir neçə məktəbin direktorları, müəllimlər, məktəblilər və valideynlər iştirak ediblər.

Tədbirdə məktəblilər gender əsaslı zorakılıq mövzusu ətrafında hazırladıqları səhnəcikləri, video çarxı və rəsm əsərlərini nümayiş etdiriblər.

L.Zeynalova çıxış edərək vurğulayıb ki, qadın və uşaq hüquqlarının müdafiəsi, zorakılıqla mübarizə, gender bərabərliyinin təmin olunması məsələlərinə Ombudsman Elmira Süleymanova tərəfindən mühüm diqqət yetirilir, bu istiqamətdə davamlı, əhatəli və sistemli tədbirlər həyata keçirilir. Bununla yanaşı, Aparatın əməkdaşı məişət zorakılığı, erkən evlilik və təhsildən yayınma kimi mənfi halların qarşısının alınması sahəsində maarifləndirmə ilə bağlı Ombudsmanın çoxşaxəli fəaliyyətini diqqətə çatdırıb.

Sonda “Gender zorakılığı - cəmiyyətimizin faciəsi” adlı layihədə fəal iştirak edən məktəblilər Sabunçu Rayon Gənclər və İdman İdarəsi tərəfindən diplomlarla təltif olunublar.



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.