“Çoxdandır ki, Azərbaycana gəlmək fikrim var. Amma hələlik imkanım yoxdur. Burda o qədər iş var ki!”.
Bu sözləri Modern.az saytına Milli Şuranın fəxri sədri, tanınmış kinorejissor Rüstəm İbrahimbəyov deyib.
O, Bakıya gələ bilməməsinin səbəbini belə açıqlayıb.
“Bir ilə yaxındır ki, xərçəng xəstəliyindən əziyyət çəkirəm. Xırdalığına gedib hansı orqanımda xərçəng olduğunu demək istəmirəm. Həm Amerikada, həm də burda müalicə olunuram. Ona görə də Bakıya gəlmək arzum reallaşmır”.
Azərbaycandakı siyasi prosesləri izlədiyini deyən İbrahimbəyov tez-tez əlaqə saxladığı şəxsin adını da açıqlayıb.
“Azərbaycandakı siyasi prosesləri də izləyirəm. Aprelin 5-də Milli Şuranın mitinqi keçiriləcək. Mənə elə gəlir ki, “Talana son!” mitinqi çox əla mitinq olacaq. Bakıda olsaydım, mütləq ayın 5-də keçiriləcək mitinqdə iştirak edərdim. Milli Şuranın sədri Cəmil Həsənli ilə tez-tez əlaqə saxlayıram”.
“Bu il keçiriləcək parlament seçkilərinə qatılmaq fikriniz varmı” sualına İbrahimbəyov belə cavab verib.
“Bu il Azərbaycanda keçiriləcək parlament seçkilərinə qatılmaq fikrim yoxdur. Amma mənə elə gəlir ki, bu seçkilərdə iştirak etmək lazımdır. Bəlkə, budəfəki seçkilərdə saxtalaşmanın səviyyəsi az oldu. Mənə elə gəlir ki, demokratik qüvvələr bu seçkilərə qarışsa, seçkilərə bir xeyri olar və ölkədə mühit də dəyişər”.
Kinorejissor yaradıcılığından da danışıb.
“Burda film çəkilişləri də məşğul oluram. Fransa, Gürcüstan, Rusiya və İspaniya kino xadimləri ilə birgə film çəkirik. Ay yarımdan sonra bu filmi bitirəcəm. Sonuncu çəkdiyim film tamaşaçılar tərəfindən böyük sevgiylə qarşılanıb. Bu yaxınlarda həmin filmin premyerası oldu. Çox yaxşı alınıb. Bu yaşımda belə, teatrda çox aktiv işləyirəm”.
Qeyd edək ki, tanınmış kinorejissor Rüstəm İbrahimbəyovun bir müddət öncə siyasi proseslərdə adı daha çox hallanırdı.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.
Vətəndaşlıq vəziyyəti aktlarının qeydiyyatı ilə bağlı təkrar şəhadətnamə və arayışların verilməsi zamanı bir sıra məhdudiyyətlər tətbiq olunur. Bəzi hallarda müraciət edən şəxslərə sənədin təkrar nüsxəsi deyil, yalnız müvafiq arayış təqdim edilir.
