banner
banner

Gündəm

Kəmalə Ağazadə işgəncə verilən uşaqlardan danışdı: “Mən onların dediklərinə inanmıram”

Kəmalə Ağazadə işgəncə verilən uşaqlardan danışdı:

“Yəni, bu günə qədər analığın və atanın uşaqlara qarşı bu cür qəddarlıqlarını heç kəs görməyib?”

“Əlbəttə ki, uşaqlara qarşı zorakılıq faktları var. Jurnalistin yazdığını oxudum. Orada uşaqların, babanın dedikləri əks olunur. Lakin uşaqlar çox kiçikdir və onların dediklərinə bir qədər inana bilmirəm”. Bu sözləri Azərbaycan Uşaqlar Birliyinin sədri Kəmalə Ağazadə işgəncəyə məruz qalan azyaşlı uşaqlarla bağlı Musavat.com-a açıqlamasında bildirib. Qurum sədri qeyd edib ki, rəsmi qurumlar bu məsələni dərindən araşdırmalıdır:

“Bu məlumatı duyandan sonra sosial şəbəkədə bu cür başlıqla paylaşım etdim ki, ümid edirəm, bu olayı Daxili İşlər Nazirliyi və Respublika Baş Prokurorluğu araşdıracaq. Bu başlığı elə-belə qoymamışam. Yəqin ki, siz özünüz də müşahidə etmisiz ki, yayılan məlumatlarda babanın müraciəti var və bu birtərəflidir. Burada çox ciddi ittihamlar, məqamlar var və bunlar mütləq araşdırılmalıdır. Amma kim qarantiya verir ki, onlar qərəzli deyil. Yəni, bu günə qədər analığın və atanın uşaqlara qarşı bu cür qəddarlıqlarını heç kəs görməyib? O döyülmələr, qırılmalar, zədələr, göyərtilər... Bunların hamısı məndə şübhə yaradıb. Bu baxımdan mütləqdir ki, qeyd etdiyim rəsmi qurumlar məsələni dərindən araşdırsın.

Əgər həqiqətən ortada qərəz olmazsa, ata və analıq ciddi cəzasını almalı və uşaqlara qəyyum təyin olunmalıdır. Yox əgər qərəz aşkarlanarsa, baba cəzasız qalmayacaq”.

Qeyd edək ki, ötən gün Bakının Zabrat qəsəbəsində azyaşlı uşaqların analığı və atası tərəfindən işgəncələrə məruz qalması xəbəri ictimaiyyətdə hiddətlə qarşılanıb. Jurnalist Elgün Gəncimsoy sosial şəbəkədə işgəncəyə məruz qalan uşaqların fotolarını paylaşaraq bildirib ki, Qulu və Hüseyn adlı qardaşların anası onlar körpə ikən vəfat edib. Himayəsində qaldığı ataları, Ağcabədi rayon sakini Xəqani Kazımov isə Nuranə adlı qadınla ailə qurub. Bundan sonra Nuranə adlı qadın uşaqlara müxtəlif işgəncələr verib. Uşaqların dediyinə görə, analıq onların üzünə isti çay töküb, qaz dəmiri ilə döyüb, ayağından asıb, barmaqlarını isti suda yandırıb.

Məlumata görə, uşaqlar hazırda ana babasının yanındadırlar. Onların atasının himayəsindən alınıb babasına verilməsi üçün Sabunçu rayon məhkəməsinə müraciət edilib.

Uşaqların babası nəvələrinin üzləşdiyi durumla bağlı videomüraciət yayıb.

Məsələ ilə bağlı “Yeni Müsavat”ın əməkdaşı Daxili İşlər Nazirliyi ilə də əlaqə saxlayıb. Qurumdan bildirilib ki, məsələ araşdırılaraq, tezliklə mətbuata açıqlama veriləcək.

Uşaqların son durumu ilə bağlı vəziyyəti öyrənməyə çalışsaq da Ağcabədi Rayon İcra Hakimiyyətindən suallarımızı heç kəs cavablandırmaq istəmədi.



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.