banner
banner

Gündəm

Tağı Əhmədov Akif Çovdarovla anlaşıb – 3 milyonluq iddia

Tağı Əhmədov Akif Çovdarovla anlaşıb

Əfv sərəncamı ilə cəzasının çəkilməmiş hissəsindən azad edilən ləğv olunmuş Milli Təhlükəsizlik Nazirliyinin sabiq generalı Akif Çovdarovla Tağı Əhmədovun anlaşması haqda xəbərlər var. İddia olunur ki, Tağı Əhmədov Akif Çovdarovla sonuncu həbsdə olarkən anlaşıb. Razılaşma mövzusu isə Tağı Əhmədovun 44 illik əmək haqqısı ilə bağlı olub. 

Bu mövzu Akif Çovdarovun həbsindən sonra gündəmə gəlmişdi. Məlum olmuşdu ki, Akif Çovdarovun həbsindən sonra ona qarşı iddia qaldıranlar sırasına Bakı Metropoliteninin sabiq rəisi Tağı Əhmədov da qoşulub. O dövrdə bu haqda məlumat mətbuat səhifələrinə çıxandan sonra Tağı Əhmədov əvvəlcə təkzib mövqeyində dayandı. Sonradan isə Sabunçu Məhkəməsinin önündə jurnalistlərin diqqətindən yayına bilmədi. Dəqiqləşdi ki, Tağı Əhmədov Bakı Hərbi Məhkəməsinə müraciət edərək ləğv edilmiş MTN-nin generalı Akif Çovdarova qarşı mülki iddia qaldırıb. Tağı Əhmədov 2014-cü ildə Akif Çovdarovun hədə-qorxu gələrək ondan aldığı 3 milyon manat aldığını yazıb. 

Tağı Əhmədov məhkəmə dövründə bir neçə dəfə mülki iddiasından danışdı, 3 milyon manatın həbsdəki generaldan tutularaq geri qaytarılmasını istədiyini dedi. Akif Çovdarova verdiyini iddia etdiyi pulların mənbəyi də təbii ki, Tağı Əhmədovdan xəbər almışdılar. O, ibtidai istintaqa ifadəsində həmin 3 milyonun “44 illik əmək haqqı” olduğunu demişdi. İstintaqçıların Tağı Əhmədova inanıb-inanmaması məsələnin başqa tərəfidir...

Akif Çovdarov və digərilərinin işi üzrə məhkəmə prosesində Yeni Azərbaycan Partiyasının Yasamal rayon şöbəsinin sədri Tağı Əhmədov bir neçə dəfə ayaq döymüşdü. Amma sonda onun mülki iddiası baxılmamış saxlanılmışdı. Akif Çovdarovun azad edilməsindən sonra belə iddialar yayılıb ki, hələ məhkəmə istintaqı dövründə Tağı Əhmədov Akif Çovdarovla anlaşıb və tələb etdiyi məbləğin qeyri-rəsmi ödənməsinə razılıq verib. Buna görə də məhkəmə onun mülki iddiasını baxılmamış saxladıqdan sonra Tağı Əhmədovun “44 illik əmək haqqı” məsələsinə qayıtmayıb. 

Yayılan iddiaların nə dərəcədə doğru olub-olmadığına aydınlıq gətirmək üçün Tağı Əhmədovla əlaqə saxladıq. YAP sədri yayılan iddialara münasibət bildirməkdən yayındı. Bununla belə Tağı Əhmədovu dinləməyə hazırıq.

Xatırladaq ki, Tağı Əhmədov Akif Çovdarovun cinayət işində zərərçəkmiş qismində tanınmışdı. 




Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.