Yunanıstan Almaniyadan istədiyi təzminatla borc ödəyəcək
Yunanıstanla Almaniya arasında maliyyə məsələləri ilə əlaqədar gərginlik davam edir. Ötən gün rəsmi Afina növbəti dəfə Almaniya hökuməti qarşısında ikinci dünya müharibəsi zamanı Yunanıstanda törədilən zorakılıqlara görə təzminat ödənilməsi tələbini qaldırıb. Yunanıstanın maliyyə naziri Dimitris Madras ilk dəfə həmin dövrdə ölkəyə dəyən ziyanın həcmini hesablayıb. Ortaya çıxan rəqəmlər Yunanıstanın beynəlxalq banklara olan borclarının yarıdan çoxunu ödəməyə imkan verir. Yunanıstanın ümumi borclarının həcmi 352.7 milyard dollar təşkil edir. Hökumətin Almaniyadan tələb etdiyi məbləğ isə, 302 milyard dollardır. Maliyyə naziri hesablamaların nəticələrini parlamentə təqdim edib. Yunanıstanın müdafiə naziri Panos Kammenos isə, Amerika Birləşmiş Ştatları hərbi rəhbərliyindən əldə etdiyi sənədlərə əsasən, tələblərin əsaslı olduğunu iddia edib.
Almaniya hökuməti təzminatın müharibədən sonra əldə olunan razılaşma əsasında ödənildiyini bildirir.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.